Yearender 2019: అత్యధిక పరుగులు, సెంచరీలు, అవార్డులు: ఈ దశాబ్ధం కోహ్లీదే!

By Nageshwara Rao M

Updated: Thursday, December 26, 2019, 12:43 [IST]

Virat Kohli gets most runs, centuries, man of the match, player of the series awards: Full details

హైదరాబాద్: టీమిండియా కెప్టెన్ విరాట్ కోహ్లీకి 2019 బాగా కలిసొచ్చింది. ఈ ఏడాది కూడా విరాట్ కోహ్లీ అత్యధిక పరుగులు చేసిన ఆటగాళ్ల జాబితాలో అగ్రస్థానంలో నిలిచాడు. ఫలింతగా వరుసగా నాలుగో ఏడాది ఈ ఘనత సాధించాడు. ఈ ఏడాది మూడు ఫార్మాట్లలోనూ విరాట్ కోహ్లీ అద్భుత ప్రదర్శన చేశాడు.

దీంతో మూడు ఫార్మాట్లలోనూ కోహ్లీ సగటు 50పైగా నమోదైంది. ఈ దశాబ్దంలో ఎప్పుడైనా రెండు మూడు మ్యాచ్‌ల్లో విఫలం కావడం తప్పితే విరాట్ కోహ్లీ ఫామ్‌ని కోల్పోయిన సందర్భాలు చాలా తక్కువనే చెప్పాలి. కోహ్లీ క్రీజులో ఉన్నాడంటే జట్టుని గెలిపించే తీరుతాడు. అభిమానులు సైతం ఇదే నమ్మకంతో ఉంటారు.

ఆదివారం కటక్ వేదికగా వెస్టిండిస్‌తో జరిగిన మూడో వన్డేలో విరాట్ కోహ్లీ అద్భుతమైన ఇన్నింగ్స్ ఆడటంతో పాటు జట్టు విజయంలో కీలకపాత్ర పోషించాడు. ఈ క్రమంలో వన్డేల్లో ఈ దశాబ్దం విరాట్ కోహ్లీ అత్యుత్తమ ప్రదర్శన కనబర్చాడు. గణాంకాలను చూస్తే మీకు తెలుస్తోంది.