Instagram Records: విరాట్ కోహ్లీ ఫ్యాన్ బేస్ మామూలుగా లేదుగా.. ఆ ఘనత సాధించిన ఏకైక క్రికెటర్‌

భారత మాజీ కెప్టెన్ విరాట్ కోహ్లీ మంగళవారం ఓ అరుదైన రికార్డ్ నెలకొల్పాడు. ఇన్‌స్టాగ్రామ్‌లో 200మిలియన్ల మంది ఫాలోవర్లను చేరుకున్న తొలి భారతీయుడిగా నిలిచాడు. ఈ సందర్భంగా కోహ్లీ స్పందించాడు. '200మిలియన్ స్ట్రాంగ్. ఇంత భారీ మద్దతు ఇస్తున్నందుకు ఇన్ స్టా ఫ్యామిలీకి ధన్యవాదాలు' అని కోహ్లీ ఇన్‌స్టా పోస్ట్‌లో పేర్కొన్నాడు. ఇక 33ఏళ్ల విరాట్ కోహ్లీ ప్రపంచంలోనే అత్యధిక ఫాలోవర్స్ ఉన్న క్రికెటర్‌గా కూడా పేరుగాంచాడు. ఇక ఫుట్ బాల్ దిగ్గజాలు క్రిస్టియానో ​​రొనాల్డో (450మిలియన్ల ఫాలోవర్లు), లియోనెల్ మెస్సీ (333మిలయన్ల ఫాలోవర్లు) తర్వాత ప్రపంచంలోనే అత్యధిక ఫాలోవర్స్ ఉన్న మూడో క్రీడాకారుడిగా పేరొందాడు.

సోషల్ మీడియాలో కోహ్లీ తరచూ యాక్టివ్‌గా ఉంటాడనే విషయం తెలిసిందే. కోహ్లీకి టీమిండియాలో అత్యంత ఫ్యాన్ బేస్ ఉంది. ఇక మొన్నమొన్నటి దాకా టీమిండియాకు విరాట్ కోహ్లీ కెప్టెన్‌గా ఉన్నాడు. గత సంవత్సరం యూనైటెడ్ అరబ్ ఎమిరేట్స్‌లో జరిగిన ఐసీసీ టీ20 ప్రపంచకప్ వైఫల్యం తర్వాత టీ20 కెప్టెన్సీ నుంచి తొలుత వైదొలిగిన కోహ్లీ ఆ తర్వాత వన్డేలకు, టెస్టులకు కూడా కెప్టెన్సీ నుంచి వైదొలిగాడు. ఇక గత టీ20 ప్రపంచకప్ ఈవెంట్‌లో గ్రూప్ దశలోనే టీమిండియా పరాజయం పాలు కావడంతో కోహ్లీ మీద విమర్శలు వచ్చిన సంగతి తెలిసిందే. ఇక టీమిండియా బ్యాటర్ రోల్‌లో తన సేవలు అందిస్తానని కోహ్లీ స్పష్టం చేశాడు. కెప్టెన్‌గానే కాకుండా బ్యాటర్‌గా కూడా తాను జట్టుకు అవసరమైనంత మేర సేవలు అందించడానికి సదా సిద్ధంగా ఉంటానని రాజీనామా చేశాక తెలిపాడు. కోహ్లీ రిజిగ్నేషన్‌ను స్వీకరించిన భారత క్రికెట్‌ నియంత్రణ మండలి (బీసీసీఐ) కోహ్లీని కెప్టెన్‌గా తొలగించి రోహిత్‌ శర్మకు బాధ్యతలు అప్పగించింది. ఇకపోతే జూన్ 9-19 మధ్య 5 టీ20 మ్యాచ్‌ల సిరీస్ దక్షిణాఫ్రికాతో టీమిండియా ఆడనుంది. ఇక ఈ సిరీస్‌లో ఆడనున్న జట్టుకు రోహిత్ శర్మ, విరాట్ కోహ్లీలను బీసీసీఐ ఎంపిక చేయకుండా విరామం ఇచ్చింది.

ఇండియా వర్సెస్ సౌతాఫ్రికా టీ20 సిరీస్ షెడ్యూల్
మొదటి T20 మ్యాచ్- జూన్ 9న, ఢిల్లీ
2వ టీ20 మ్యాచ్ - జూన్ 12న, కటక్
3వ టీ20 మ్యాచ్ - జూన్ 14న, విశాఖపట్నం
4వ టీ20 మ్యాచ్ - జూన్ 17న, రాజ్‌కోట్
5వ టీ20 మ్యాచ్ - జూన్ 19న, బెంగళూరు

సౌతాఫ్రికా సిరీస్ కోసం టీమిండియా టీ20 జట్టు: కేఎల్ రాహుల్ (కెప్టెన్), రుతురాజ్ గైక్వాడ్, ఇషాన్ కిషన్, దీపక్ హుడా, శ్రేయాస్ అయ్యర్, రిషబ్ పంత్ (వైస్ కెప్టెన్) (వికెట్ కీపర్), దినేష్ కార్తీక్ (వికెట్ కీపర్), హార్దిక్ పాండ్యా, వెంకటేష్ అయ్యర్, Y చాహల్, కుల్దీప్ యాదవ్ , అక్షర్ పటేల్, ఆర్ బిష్ణోయ్, భువనేశ్వర్, హర్షల్ పటేల్, అవేష్ ఖాన్, అర్ష్దీప్ సింగ్, ఉమ్రాన్ మాలిక్