PHOTOS: భార్య అనుష్కతో కలిసి స్పోర్ట్స్ ఆనర్స్ ఫంక్షన్‌కు హాజరైన విరాట్ కోహ్లీ

ఫార్మల్ దుస్తుల్లో అనుష్క, కోహ్లీ

అనుష్క, విరాట్ కోహ్లీ ఇద్దరూ ఫార్మల్ దుస్తులు ధరించి ఈ కార్యక్రమానికి హాజరయ్యారు. ఈ దుస్తుల్లో అనుష్క శర్మ చాలా అందంగా కనిపిస్తుండగా... విరాట్ కోహ్లీ తన బ్లాక్ సూట్‌‌లో మరింత కలగా ఉన్నాడు. దీంతో అనుష్క శర్మతో కలిసి ఉన్న ఫోటోలను కోహ్లీ తన ట్విట్టర్‌లో అభిమానులతో పంచుకున్నాడు.

ఈ ఏడాది ఫిబ్రవరిలోనే

నిజానికి ఈ ఏడాది ఫిబ్రవరిలోనే ఈ అవార్డులను ప్రదానం చేయాలనుకున్నా.. ఫుల్వామాలో సీఆర్పీఎఫ్‌ జవాన్లపై ఉగ్రదాడి కారణంగా ఈ కార్యక్రమం వాయిదా పడింది. మొత్తం 11 కేటగిరీల్లో అవార్డులను ఐఎస్‌హెచ్‌ జ్యూరీ నిర్ణయించగా.. ఆరు పాపులర్‌ ఛాయిస్‌ అవార్డులకు ఆన్‌లైన్‌ ఓటింగ్‌ ద్వారా ఎంపిక చేశారు.

జ్యూరీలో సభ్యులుగా

ఐఎస్‌హెచ్‌ జ్యూరీలో సభ్యులుగా పుల్లెల గోపీచంద్, అభినవ్ బింద్రా, సర్దార్ సింగ్, మహేశ్ భూపతి, పీటీ ఉష, అంజలి భాగవత్‌లు ఉన్నారు. ఆరు పాపులర్‌ ఛాయిస్‌ అవార్డు విభాగాలలో నామినేషన్లను స్పోర్ట్స్ జర్నలిస్ట్స్ ఫెడరేషన్ ఆఫ్ ఇండియా (ఎస్జెఎఫ్ఐ) నుండి 200 మంది జర్నలిస్టులు షార్ట్ లిస్ట్ చేశారు.

యువరాజ్‌ సింగ్‌ దంపతులు సైతం

ఇదిలా ఉంటే, ఈ కార్యక్రమానికి లెజెండరీ అథ్లెట్‌ మిల్కా సింగ్‌, కోహ్లీ, యువరాజ్‌ సింగ్‌ దంపతులు, క్రీడాకారిణులు సానియా మీర్జా, దీపా కర్మాకర్‌, వినేశ్‌ ఫొగట్‌, మనూ భాకర్‌, స్మృతి మంథాన, జెమీమా రోడ్రిగ్స్‌, అజింక్యా రహానె, మహేశ్‌ భూపతి, బాలీవుడ్‌ బ్యూటీ ప్రియాంక చోప్రా తదితరులు పాల్గొన్నారు.