ఆసాంతం లీనమైపోయే విధంగా
అంతకుముందు యాడ్లోని సన్నివేశాలను అనుసంధానిస్తూ ప్రకటన ఆసాంతం లీనమైపోయే విధంగా చిత్రీకరించారు. కొద్ది రోజుల ముందే బాలీవుడ్ నటులు దీపికా, రణ్వీర్ వివాహం జరగడంతో ఇది ప్రజలకు చాలా త్వరగా కనెక్ట్ అవుతోంది.
|
కొత్త యాడ్ చిత్రీకరించిన మాన్యవర్:
విరుష్కా జోడి మరోసారి కనిపించిన మాన్యవర్ యాడ్ ఎలా ఉందంటే.. సాధారణంగా పెళ్లికి ముందు ఉన్న ప్రేమ పెళ్లయిన ఏడాది తర్వాత ఉండదంటారు. దీనిపై ఎన్నో జోకులు కూడా పేలుతుంటాయి. సరిగ్గా ఇదే కాన్సెప్ట్తో ఈ కొత్త యాడ్ను కూడా చిత్రీకరించారు. పెళ్లికి ముందు చేసిన వాగ్దానాలను ముందు చూపించి.. ఏడాది తర్వాత పరిస్థితి ఇదీ అంటూ కొత్తగా పెళ్లి చేసుకోబోతున్న జంటను విరుష్క భయపెడుతున్నట్లుగా ఈ యాడ్ను షూట్ చేశారు.
|
ఎల్లప్పుడూ నిన్ను కాపాడుకుంటా
ఏడాది క్రితం యాడ్లో 'హమేశా ఖయాల్ రఖుంగా' (ఎల్లప్పుడూ నిన్ను కాపాడుకుంటా) అని కోహ్లీ అంటే అనుష్క భావోద్వేగానికి గురై 'మై బీ'(నేను కూడా) అంటుంది. ప్రస్తుతం యాడ్లో కోహ్లీ.. అనుష్కలు కలిసి వివాహానికి హాజరై పెళ్లికొడుకు.. కూతురుతో ముచ్చటిస్తుంటారు. ముందుగా అనుష్క నెలలో 15 రోజులు వంట నీతో చేయించి తన వంతైన మిగతా 15 రోజులు ఆన్లైన్లో ఫుడ్ ఆర్డర్ చేస్తాడంటూ పెళ్లికూతురుకి చెప్తూ ఉంటుంది.
ప్రేమ ఎప్పుడూ పెరుగుతూనే
'అది విన్న విరాట్.. కౌంటర్గా పెళ్లి కొడుక్కి.. వివాహానికి ముందే అంతా.. తర్వాత ఏదీ నీ చేతుల్లో ఉండదు. రిమోట్ తన చేతుల్లో పెట్టుకుని ఆడిస్తూ ఉంటుంది.' అని చెప్తాడు. ఆ తర్వాత పెళ్లి కొడుకు.. కూతురులను ఉద్దేశించి పెళ్లి అయిన ప్రతీసారి గొడవ ఉంటుంది. అలా ఎప్పుడూ ప్రేమ పెరుగుతూనే ఉంటుంది. అని కాస్త ఎమోషనల్గా ముగించడం ఆకట్టుకుంది. ఇప్పుడీ వీడియో సోషల్ మీడియాలో వైరల్గా మారింది.