టెస్టుల్లోకి వైభవ్ ఎంట్రీ ఎప్పుడు?: రాహుల్ ద్రవిడ్ బిగ్ స్టేట్‌మెంట్!

భారత క్రికెట్ ప్రపంచంలో సంచలనం సృష్టిస్తున్న టీమిండియా యువ సెన్సేషన్ వైభవ్ సూర్యవంశీ కెరీర్‌పై భారత మాజీ హెడ్ కోచ్, దిగ్గజ క్రికెటర్ రాహుల్ ద్రవిడ్ కీలక వ్యాఖ్యలు చేశారు. వైభవ్ సూర్యవంశీకి మూడు ఫార్మాట్లలోనూ ఆడే అద్భుతమైన సత్తా ఉందని కొనియాడిన రాహుల్ ద్రవిడ్.. అయితే టెస్ట్ క్రికెట్లోకి అతడిని ఇప్పుడే తొందరపడి తీసుకురావడం సరైన నిర్ణయం కాదని స్పష్టం చేశారు. టెస్ట్ ఫార్మాట్లో రాణించడానికి వైభవ్ సూర్యవంశీకి ఇంకా సమయం పడుతుందని.. అతడికి తగినంత అవకాశం ఇవ్వాలని ద్రవిడ్ అభిప్రాయపడ్డారు.

IND vs SL: ముగిసిన మూడో రోజు ఆట.. భారత్‌దే ఆధిపత్యం!

వైట్ బాల్ క్రికెట్లో వైభవ్ సూర్యవంశీ ప్రదర్శన అత్యంత విస్మయపరిచేలా ఉంది. ఐపీఎల్ 2026 సీజన్లో 16 మ్యాచ్‌ల్లో 776 పరుగులు సాధించి.. 237.30 భారీ స్ట్రైక్ రేట్‌తో ఆరెంజ్ క్యాప్ గెలుచుకుని అందరి దృష్టిని ఆకర్షించాడు. అయితే ఫస్ట్-క్లాస్ క్రికెట్లో వైభవ్ అనుభవం ఇంకా పరిమితంగానే ఉంది. 8 ఫస్ట్-క్లాస్ మ్యాచ్‌లు ఆడిన వైభవ్ సూర్యవంశీ 17.25 సగటు మాత్రమే నమోదు చేశాడు. అందువల్ల సుదీర్ఘ ఫార్మాట్ కు అలవాటు పడేందుకు, క్రీజులో ఎక్కువసేపు నిలబడే నైపుణ్యం పెంపొందించుకునేందుకు వైభవ్ సూర్యవంశీకి ప్రాక్టీస్ అవసరమని రాహుల్ ద్రవిడ్ గుర్తు చేశారు.

Also Read

Hockey World Cup 2026: ముగిసిన భారత్ పోరాటం.. అర్జెంటీనా ఘన విజయం!

రెండు సీజన్ల రెడ్-బాల్ క్రికెట్ తప్పనిసరి
వైభవ్ సూర్యవంశీ టెస్ట్ క్రికెట్‌కు పూర్తిస్థాయిలో సిద్ధమవ్వాలంటే దేశీయ క్రికెట్లో కనీసం రెండు సీజన్ల పాటు నిలకడగా రెడ్-బాల్ మ్యాచ్‌లు ఆడాల్సి ఉంటుందని రాహుల్ ద్రవిడ్ పేర్కొన్నారు. దులీప్ ట్రోఫీలో తూర్పు జోన్ జట్టు తరఫున ఆడుతున్న వైభవ్ సూర్యవంశీకి దేశీయ స్థాయిలో తనను తాను నిరూపించుకునే మంచి అవకాశం లభించిందని ద్రవిడ్ చెప్పారు. రాజస్థాన్ రాయల్స్ ఫ్రాంచైజీలో వైభవ్ సూర్యవంశీని దగ్గరగా పరిశీలించిన రాహుల్ ద్రవిడ్.. వైభవ్ నైపుణ్యాలపై సంపూర్ణ నమ్మకంతో ఉన్నప్పటికీ.. రెడ్-బాల్ క్రికెట్ సూత్రాలను నేర్చుకునే క్రమంలో ఎదురయ్యే ఒడిదుడుకులను తట్టుకోవడానికి సహనం చాలా కీలకమని రాహుల్ ద్రవిడ్ పేర్కొన్నారు.