14 ఏళ్ల రికార్డు.. 15 ఏళ్ల కుర్రాడు.. కొడితే చరిత్రే!

తన విధ్వంసకర బ్యాటింగ్‌తో ప్రపంచ క్రికెట్‌లో సంచలనం సృష్టిస్తున్న 15 ఏళ్ల యువ సంచలనం వైభవ్ సూర్యవంశీ.. 'యూనివర్స్ బాస్' క్రిస్ గేల్ పేరిట ఉన్న 14 ఏళ్ల ఐపీఎల్ రికార్డును బద్దలు కొట్టేందుకు సిద్ధంగా ఉన్నాడు. ఒక్క మంచి ఇన్నింగ్స్‌తో గేల్ అరుదైన మైలురాయిని అధిగమించే అవకాశం ఉంది.

IPL 2026: పంత్ కాదు.. లక్నోను ముంచేసింది ఆ ఇద్దరే?

క్రిస్ గేల్‌ను విధ్వంసకర బ్యాట్స్‌మెన్‌గా తీర్చిదిద్దడంలో ఇండియన్ ప్రీమియర్ లీగ్ కీలక పాత్ర పోషించింది. ఐపీఎల్‌లో అతను అద్భుతమైన విజయాన్ని సాధించి, 'సిక్సర్ కింగ్', 'యూనివర్స్ బాస్' వంటి గుర్తింపులను పొందాడు. 2012 ఐపీఎల్ సీజన్‌లో గేల్ ఏకంగా 59 సిక్సర్లు బాదాడు. ఒకే ఐపీఎల్ సీజన్‌లో ఒక బ్యాట్స్‌మెన్ అత్యధిక సిక్సర్లు కొట్టిన రికార్డు ఇదే.

క్రిస్ గేల్ నెలకొల్పిన 59 సిక్సర్ల రికార్డుకు వైభవ్ సూర్యవంశీ కేవలం 7 సిక్సర్ల దూరంలో ఉన్నాడు. ఐపీఎల్ 2026 సీజన్‌లో 13 మ్యాచ్‌లలో అతను 53 సిక్సర్లు బాదాడు. అతనికి ఇంకా ఒక లీగ్ మ్యాచ్ మిగిలి ఉంది. రాజస్థాన్ రాయల్స్ ప్లేఆఫ్‌లకు అర్హత సాధిస్తే, మరిన్ని అవకాశాలు దక్కుతాయి. సింగిల్స్, డబుల్స్, ఫోర్ల కంటే ఎక్కువగా సిక్సర్లకే ప్రాధాన్యతనిచ్చే వైభవ్, ఒక మంచి ఇన్నింగ్స్‌తో గేల్ రికార్డును అధిగమించే అవకాశం ఉంది.

పర్సనల్ విషయాలు మీకెందుకు?: గట్టిగా ఇచ్చి పడేసిన కెప్టెన్!

53 సిక్సర్లతో వైభవ్ సూర్యవంశీ ఇప్పటికే ఒకే ఐపీఎల్ సీజన్‌లో అత్యధిక సిక్సర్లు కొట్టిన భారత బ్యాట్స్‌మెన్‌గా రికార్డు సృష్టించాడు. ఈ జాబితాలో ఆండ్రే రస్సెల్ మూడో స్థానంలో ఉన్నాడు, అతను 2019లో కేకేఆర్ తరపున 52 సిక్సర్లు బాదాడు. క్రిస్ గేల్ 2013లో 51 సిక్సర్లతో నాలుగో స్థానంలో నిలవగా, జోస్ బట్లర్ 2022లో 45 సిక్సర్లతో ఐదో స్థానంలో ఉన్నాడు.