బుడ్డోడికి బుద్దొచ్చింది.. నెట్స్‌లో చెమటోడుస్తున్న వైభవ్ సూర్యవంశీ! (వీడియో)

టీమిండియా యువ సంచలనం వైభవ్ సూర్యవంశీ టీ20 అంతర్జాతీయ అరంగేట్రం అంత గుర్తుండిపోయేలా లేదు. ఇంగ్లాండ్ జట్టుతో మూడు మ్యాచ్‌లలో ఆడిన వైభవ్ సూర్యవంశీ.. ఏ మ్యాచ్ లోనూ అంత గొప్పగా రాణించలేకపోయాడు. ఇంగ్లాండ్ జట్టుతో జరిగిన 3 టీ20లలో వైభవ్ సూర్యవంశీ వరుసగా 14,13, 15 పరుగులు మాత్రమే చేయగలిగాడు. ఈ ఇంగ్లాండ్ పర్యటన అనంతరం వైభవ్ సూర్యవంశీ జింబాబ్వేతో జరిగే మూడు మ్యాచ్‌ల టీ20ఐ సిరీస్‌లో ఆడనున్నాడు. ఇంగ్లాండ్‌లో జరిగిన టీ20ఐ సిరీస్‌లో 0-4 తేడాతో దారుణంగా ఓడిపోయిన తర్వాత, వైభవ్ సూర్యవంశీ ప్రతిష్టాత్మక టెన్నిస్ టోర్నమెంట్ వింబుల్డన్‌ను వీక్షించాడు. అక్కడ అతను అభిషేక్ శర్మ, సంజు శాంసన్, యువరాజ్ సింగ్‌లతో కలిసి కనిపించాడు. ఇప్పుడు ప్రశ్న ఏమిటంటే, ఇంగ్లాండ్ పర్యటన, వింబుల్డన్ తర్వాత వైభవ్ ఎక్కడ ఉన్నాడు? ఈ ప్రశ్నకు జవాబు తెలుసుకునేందుకు చాలా మంది ఆసక్తిగా ఉన్నారు.

India vs England రెండో వన్డే టైమింగ్స్‌లో మార్పు.. ఎందుకంటే..?

ఈ క్రమంలో రాజస్థాన్ రాయల్స్ తమ సోషల్ మీడియా ఖాతాలో ఓ చిన్న వీడియోను పంచుకుంది. అందులో నాగ్‌పూర్‌లోని జట్టు హై పెర్ఫార్మెన్స్ సెంటర్‌లో యువ బ్యాటింగ్ సంచలనం వైభవ్ సూర్యవంశికి ప్రత్యేక రీతిలో స్వాగతం పలికారు. వీడియోలో జట్టు ఆటగాళ్లు, సహాయక సిబ్బంది రెండు వరుసలలో నిలబడి 'గార్డ్ ఆఫ్ ఆనర్' ఇస్తుండగా.. వైభవ్ నవ్వుతూ వారి మధ్య నుంచి వెళ్తూ కనిపించాడు. ఈ వీడియోతో పాటు రాజస్థాన్ రాయల్స్ ' బ్యాక్ టు వర్క్' అనే క్యాప్షన్‌ను రాసింది, అంటే ఇప్పుడు మైదానంలో కఠోర శ్రమ, సన్నాహాల దశ మళ్లీ ప్రారంభమైందని అర్థం. ఈ వీడియో సోషల్ మీడియాలో వేగంగా వైరల్ అవుతోంది. అభిమానులు దీనిని వైభవ్ పట్ల ఫ్రాంచైజీకి ఉన్న నమ్మకానికి, గౌరవానికి ప్రతీకగా భావిస్తున్నారు.

ఇంగ్లాండ్ పర్యటన తర్వాత వైభవ్ రాజస్థాన్ రాయల్స్ హై పెర్ఫార్మెన్స్ సెంటర్‌కు చేరుకున్నాడని.. అక్కడ అతను తన రాబోయే సిరీస్ కోసం ఐపీఎల్ మూడ్‌లోకి తిరిగి వస్తున్నాడని భావిస్తున్నారు . వైభవ్ తిరిగి ప్రాక్టీస్ మోడ్‌లోకి వచ్చాడని పేర్కొంటూ రాజస్థాన్ రాయల్స్ ఈ వీడియోను పంచుకుంది. రాబోయే పర్యటనలో ఇంగ్లాండ్‌లో చేసిన తప్పులను పునరావృతం చేయకూడదని వైభవ్ సూర్యవంశీ నిర్ణయించుకున్నాడని స్పష్టమవుతోంది. వైభవ్ తన తప్పులను, ముఖ్యంగా షార్ట్ బాల్ బలహీనతను సరిదిద్దుకోవడానికే బహుశా ఈ కేంద్రానికి వచ్చి ఉంటాడని అభిమానులు భావిస్తున్నారు.

IND vs ENG: కోహ్లీపై వేటు.. ఇంగ్లండ్‌తో రెండో టీ20 ఆడే భారత తుది జట్టు ఇదే!

భారత్ vs జింబాబ్వే టీ20ఐ సిరీస్ పూర్తి షెడ్యూల్
మొదటి టీ20ఐ: జులై 23, 2026 (గురువారం), హరారే, సాయంత్రం 4:30 గంటలకు
రెండో టీ20ఐ: జూలై 25, 2026 (శనివారం), హరారే, సాయంత్రం 4:30 గంటలకు
మూడో టీ20ఐ: జూలై 26, 2026 (ఆదివారం), హరారే, సాయంత్రం 4:30 గంటలకు