Click it and Unblock the Notifications
|
క్యాంటీన్‌లో ఫిర్యాదు చేసిన అభిమాని
ఈ విషయమై వాటిని కొనుగోలు చేసిన అభిమాని ఒకరు క్యాంటీన్‌లో ఫిర్యాదు చేశాడు. దీంతో క్యాంటీన్‌లో సమోసాలతో పాటు ఇతర ఐటమ్స్‌ను కొనుగోలు చేసినవాళ్లంతా వాటిని వెనక్కి ఇచ్చేయాలంటూ నిర్వాహకులు స్టేడియంలోని పెద్ద పెద్ద ఎల్‌ఈడీ బోర్డుపై ఈ ప్రకటన వచ్చేలా చేశారు. దీనిపై సోషల్‌మీడియాలో విమర్ళలతోపాటు జోకులూ వెల్లువెత్తాయి.
296 పరుగుల తేడాతో ఆసీస్ విజయం
ఇదిలా ఉంటే, ఈ డే/నైట్ తొలి టెస్టులో ఆస్ట్రేలియా 296 పరుగుల తేడాతో ఘనవిజయం సాధించింది. ఆసీస్ పేసర్‌ మిషెల్‌ స్టార్క్‌ రెండు ఇన్నింగ్స్‌లలో కలిపి 9 వికెట్లతో విజృంభించడంతో కివీస్‌ విలవిలలాడింది. ఇప్పటి వరకు ఆడిన ఆరు డే/నైట్ టెస్టుల్లో విజయం సాధించిన ఆస్ట్రేలియా మరో విజయాన్ని ఖాతాలో వేసుకుంది. ఫలితంగా ఆ సంఖ్యను ఏడుకు పెంచుకుంది.
171 పరుగులకే ఆలౌటైన న్యూజిలాండ్
468 పరుగుల లక్ష్యంతో ఆదివారం రెండో ఇన్నింగ్స్‌ ప్రారంభించిన న్యూజిలాండ్ ఏ దశలోనూ లక్ష్యం దిశగా సాగలేదు. స్టార్క్‌ (4/45), నాథన్ లియాన్‌ (4/63) ధాటికి వరుస విరామాల్లో వికెట్లు కోల్పోయి 65.3 ఓవర్లలో 171 పరుగులకే ఆలౌటైంది. వాట్లింగ్‌ (40), గ్రాండ్‌హోమ్‌ (33) పోరాడారు. అంతకుముందు ఓవర్‌నైట్‌ స్కోరు 167/6తో నాలుగో రోజు ఆట కొనసాగించిన ఆసీస్.. 217/9 వద్ద రెండో ఇన్నింగ్స్‌ను డిక్లేర్‌ డిక్లేర్‌ చేసి న్యూజిలాండ్‌కు 468 పరుగుల భారీ లక్ష్యాన్ని నిర్దేశించింది. కివీస్‌ బౌలర్లలో టీం సౌథీ ఐదు, వాగ్నర్‌ మూడు వికెట్లు పడగొట్టారు.
స్టార్క్‌కు 'మ్యాన్‌ ఆఫ్‌ ది మ్యాచ్‌' అవార్డు
ఆసీస్ తొలి ఇన్నింగ్స్‌లో 416 పరుగులకు ఆలౌటైంది. లబుషేన్‌ సెంచరీతో ఆకట్టుకున్నాడు. అనంతరం బ్యాటింగ్‌కు దిగిన కివీస్‌కు ఆసీస్ బౌలర్లు చుక్కులు చూపించారు. దీంతో కివీస్‌ తొలి ఇన్నింగ్స్‌లో 166 పరుగులకే ఆలౌట్ అయింది. 250 పరుగుల తొలి ఇన్నింగ్స్‌ ఆధిక్యం సంపాదించిన ఆసీస్.. ప్రత్యర్థిని ఫాలోఆన్‌ ఆడించకుండా రెండో ఇన్నింగ్స్‌ ఆడింది. రెండు ఇన్నింగ్స్‌ల్లో 9 వికెట్లు పడగొట్టిన స్టార్క్‌కు 'మ్యాన్‌ ఆఫ్‌ ది మ్యాచ్‌' అవార్డు దక్కింది.
