నాలుగో వన్డేలో అరుదైన ఘనత: 100 వికెట్ల క్లబ్‌లో ఉమేశ్ యాదవ్

2010, మే 28న జింబాబ్వేపై అరంగేట్రం

2010, మే 28న జింబాబ్వేతో జరిగిన వన్డేతో క్రికెట్‌లోకి అరంగేట్రం చేసిన ఉమేశ్ యాదవ్‌కి ఇది 71వ వన్డే మ్యాచ్. తన కెరీర్‌లో 69 ఇన్నింగుల్లో ఉమేశ్ ఈ ఘనత సాధించాడు. టెస్టుల్లోనూ ఈ ఘనతకు చేరువలో ఉన్నాడు. 34 టెస్టులాడి 66 ఇన్నింగ్స్‌లలో 94 వికెట్లు తీశాడు.

స్టీవ్ స్మిత్‌‌ను అన్ని ఫార్మాట్లలోనూ కలిపి ఏడుసార్లు

ఇదిలా ఉంటే నాలుగో వన్డేలో ఉమేశ్ యాదవ్ మరో అరుదైన ఘనతను అందుకున్నాడు. ఆస్ట్రేలియా కెప్టెన్ స్టీవ్ స్మిత్‌‌ను అన్ని ఫార్మాట్లలోనూ కలిపి ఏడుసార్లు అవుట్ చేశాడు. ఇంగ్లాండ్ ఆటగాడు స్టువర్ట్ బ్రాడ్.. స్మిత్‌ను ఇప్పటి వరకు 9 సార్లు అవుట్ చేశాడు. బ్రాడ్ తర్వాత స్మిత్‌ను ఎక్కువ సార్లు అవుట్ చేసింది ఉమేశే.

భారత్ టార్గెట్ 335

నాలుగో వన్డేలో భారీ స్కోరు సాధించింది. టాస్ గెలిచి బ్యాటింగ్ ఎంచుకున్న ఆసీస్ నిర్ణీత 50 ఓవర్లలో 5 వికెట్లకు 334 పరుగులు చేసింది. దీంతో భారత్‌కు 335 పరుగుల విజయ లక్ష్యాన్ని నిర్దేశించింది. ఆసీస్ బ్యాట్స్‌మెన్లలో వార్నర్ (124) సెంచరీ, ఫించ్ (94) పరుగులతో రాణించారు. వీరిద్దరూ తొలి వికెట్‌కు ఏకంగా 231 పరుగులు జోడించారు.

భారత బౌలర్లపై విరుచుకుపడ్డ ఆసీస్ ఓపెనర్లు

బౌండరీల వర్షం కురిపిస్తూ భారత బౌలర్లపై విరుచుకుపడ్డారు. అయితే పార్ట్‌టైమ్ బౌలర్ కేదార్ జాదవ్ .. వార్నర్‌ను అవుట్ చేయడంతో వీళ్లద్దరి భాగస్వామ్యానికి తెరపడింది. ఆ వెంటనే ఫించ్ (94), స్మిత్ (3) కూడా అవుటవ్వడంతో ఆసీస్ స్కోరు నెమ్మదించింది. చివర్లో హ్యాండ్స్‌కాంబ్ (43) చెలరేగడంతో ఆసీస్ భారీ స్కోరు సాధించింది. భారత బౌలర్లలో ఉమేష్ యాదవ్ 4, కేదార్ జాదవ్ ఒక వికెట్ తీసుకున్నారు.