చెన్నై జట్టు ప్రమోషనల్ సాంగ్‌లో టెండూల్కర్‌కు అవమానం జరిగిందట

హైదరాబాద్: చెన్నై జట్టు ప్రమోషనల్ సాంగ్‌పై విమర్శలు తలెత్తాయి. ఈ నేపథ్యంలో రెండేళ్ల నిషేదాన్ని పూర్తి చేసుకుని పునరాగమనం చేస్తోన్న చెన్నై సూపర్‌ కింగ్స్‌ (సీఎస్‌కే) జట్టుపై ఆరోపణలు మొదలైయ్యాయి. ఈ విషయంపై మాస్టర్‌ బ్లాస్టర్‌ సచిన్‌ టెండూల్కర్‌ అభిమానులు ఆగ్రహం వ్యక్తం చేస్తున్నారు.

పదకొండో సీజన్‌‌కు మహీ కెప్టెన్సీలో అడుగుపెడుతున్న సీఎస్‌కే ఫ్రాంచైజీ ప్రమోషనల్ సాంగ్ విడుదల చేసింది. ఆ వీడియో ఇప్పుడు సచిన్‌ అభిమానులకు కోపం తెప్పిస్తోంది. దీంతో అప్రమత్తమైన సీఎస్‌కే జట్టు తమ అధికారిక ఫేస్‌బుక్‌ పేజీ నుంచి ఈ వీడియోను తొలగించింది.

Dear Super Fans, thank you for all the patience, prayers, roars and whistles in the past two days! Just like all our matches, it was a nail-biting finish. Presenting the #PrideOf18. Here's wishing them a roaring summer ahead!🦁😍💛 #NewTeamSamePride #WhistlePodu #SummerIsComing pic.twitter.com/zqTXa3ZFTm

— Chennai Super Kings (@ChennaiIPL) January 28, 2018

తొలగించినప్పటికి తమ ఆరాధ్య దైవం, అభిమాన క్రికెటర్‌ను కించపరిచేలా సీఎస్‌కే వ్యవహరించిందంటూ సచిన్‌ అభిమానులు సోషల్‌ మీడియా వేదికగా మండిపడుతున్నారు. అభిమానులను ఆకట్టుకోవాడినికి ప్రమోషనల్ సాంగ్‌ను తమిళ బాషలో రూపొందించారు. ఈ వీడియోలో సచిన్‌ జెర్సీ తీగ మీద నుంచి జారి కిందపడుతూ ఉండే సన్నివేశం ఉంటుంది.

ఇదే అభిమానులకు ఆగ్రహాన్ని తెప్పిస్తోంది. అనంతరం తమిళ నేటివిటికి తగ్గట్టు.. సూపర్‌ స్టార్‌ రజనీకాంత్‌ పోస్టర్లు, ఐపీఎల్‌ సమయంలో యువత గడిపే సన్నివేశాలతో ఈ వీడియోను రూపొందించారు. సెంటిమెంట్‌తో జట్టును ప్రజల్లోకి తీసుకెళ్దామంటూ ఎంత ప్రయత్నించినా.. అభిమానులు అసంతృప్తిగానే ఉన్నారు. ప్రస్తుతం అభిమానులు ఈ వీడియోను 'షేమ్‌ చెన్నై సూపర్‌ కింగ్స్‌' అంటూ ట్రోల్‌ చేస్తున్నారు.