IPL 2025: ఐపీఎల్ 2025లో టాప్-5 ఫాస్టెస్ట్ బౌలర్లు వీరే..

IPL 2025: ఇండియన్ ప్రీమియర్ లీగ్‌ను బ్యాట్స్‌మెన్ టోర్నమెంట్ అని పిలుస్తారు. కానీ వాస్తవానికి జట్టును ఛాంపియన్‌గా చేసేది బౌలర్లే. ఫ్లాట్ పిచ్‌లపై బౌలర్లు వికెట్లు తీయడానికి అదనపు ప్రయత్నాలు చేయడమే కాకుండా.. బ్యాటర్ల ప్రకారం ఒక ప్రణాళికను కూడా సిద్ధంగా ఉంచుకోవాలి. బ్యాటర్లను ఆశ్చర్యపరచడానికి, ఇబ్బంది పెట్టడానికి , ఔట్ చేయడానికి బౌలర్లు వేగాన్ని ఉపయోగిస్తారు. కొన్ని సార్లు స్వింగ్ తో బ్యాటర్ ను ఆశ్చర్యపరచడానికి ప్రయత్నిస్తాడు. ప్రతి సీజన్‌లో ఐపీఎల్‌లో ఎవరో ఒక స్పీడ్‌స్టర్ ఉద్భవిస్తాడు. ఈ ఐపీఎల్ సీజన్ లో టాప్-5 ఫాస్టెస్ట్ బౌలర్లు ఎవరో తెలుసుకుందాం.

లాకీ ఫెర్గూసన్ :153.2 KMPH
గత కొన్ని సీజన్ల మాదిరిగానే ఈ సారి కూడా ఐపీఎల్‌లో అత్యంత వేగవంతమైన బంతిని బౌలింగ్ చేసిన రికార్డు లాకీ ఫెర్గూసన్ పేరిట ఉంది. పంజాబ్ జట్టు తరపున ఈ బౌలర్ లక్నో సూపర్ జెయింట్స్‌తో జరిగిన మ్యాచ్‌లో 153.2 కేఎంపీహెచ్ వేగంతో బంతిని వేశాడు. ఈ మ్యాచ్ ఏప్రిల్ 1న జరిగింది.

జోఫ్రా ఆర్చర్: 152KMPH
రాజస్థాన్ రాయల్స్‌కు చెందిన జోఫ్రా ఆర్చర్ రెండో స్థానంలో ఉన్నాడు. గుజరాత్ టైటాన్స్‌తో జరిగిన మ్యాచ్ లో జోఫ్రా ఆర్చర్ 152 కిలోమీటర్ల వేగంతో బంతిని వేశాడు. ఈ మ్యాచ్ ఏప్రిల్ 9న జరిగింది. అంతకు ముందు ఏప్రిల్ 5న పంజాబ్‌పై గంటకు 151.కిలోమీటర్ల వేగంతో బౌలింగ్ చేశాడు.

కగిసో రబాడ: 151.6KMPH
దక్షిణాఫ్రికా పేసర్ కగిసో రబాడ పేరు కూడా జాబితాలో ఉంది. గుజరాత్ తరపున రబాడ అహ్మదాబాద్‌లో పంజాబ్‌తో జరిగిన మ్యాచ్ లో గంటకు 151.6 కిలోమీటర్ల వేగంతో బౌలింగ్ చేశాడు. ఈ మ్యాచ్ మార్చి 25న జరిగింది. అయితే ప్రస్తుతం కగిసో రబాడ వ్యక్తిగత కారణాల వల్ల ఇంటికి తిరిగి వచ్చాడు.

మహ్మద్ సిరాజ్: 149.6KMPH
ఈ జాబితాలో నాలుగో పేరు భారత పేసర్ మహ్మద్ సిరాజ్. మియాన్ మ్యాజిక్ గా ప్రసిద్ధి చెందిన సిరాజ్.. ముంబై ఇండియన్స్ తో జరిగిన మ్యాచ్ లో గుజరాత్ తరపున 149.6 కిలోమీటర్ల వేగంతో బౌలింగ్ చేశాడు. ఈ మ్యాచ్ లో మహ్మద్ సిరాజ్ రోహిత్ శర్మను కూడా ఔట్ చేశాడు. ఈ మ్యాచ్ మార్చి 29న జరిగింది.

మతిషా పతిరానా:149.6KMPH
ఈ జాబితాలో ఐదో బౌలర్ చెన్నై సూపర్ కింగ్స్ తరపున ఆడుతున్న మతిషా పతిరానా. ఆ జట్టు స్లింగ్ యాక్షన్ బౌలర్ మతిషా పతిరానా పంజాబ్‌పై సిరాజ్ 149.6 కిలోమీటర్ల వేగంతో బౌలింగ్ చేశాడు. ఈ మ్యాచ్ ఏప్రిల్ 8న జరిగింది.