డేవిడ్ వార్నర్‌ను బూతులు తిట్టిన టాలీవుడ్ స్టార్!!

స్టార్ క్రికెటర్ డేవిడ్ వార్నర్.. త్వరలోనే టాలీవుడ్ సినిమాతో వెండితెర అరంగేట్రం చేయనున్న సంగతి తెలిసిందే. హీరో నితిన్, హీరోయిన్ శ్రీలీల కలిసి నటించిన రాబిన్ హుడ్ చిత్రంలో అతడు కీలక పాత్ర పోషించాడు. అయితే తాజాగా వార్నర్‌ను ఓ టాలీవుడ్ స్టార్.. స్టేజ్ పైనే దొంగముండా కొడకు అంటూ బూతులు తిట్టారు. దీంతో క్రికెట్ అభిమానులు ఆ నటుడిపై తీవ్ర స్థాయిలో ఆగ్రహం వ్యక్తం చేస్తున్నారు.

అసలేం జరిగిందదంటే?
టాలీవుడ్ దర్శకుడు వెంకీ కుడుముల.. హీరో నితిన్‌తో కలిసి రాబిన్‌హుడ్ సినిమా చేసిన సంగతి తెలిసిందే. ఈ నెల 28న మూవీ రిలీజ్ కానుంది. విడుదల తేదీ దగ్గర పడడంతో తాజాగా ట్రైలర్ లాంఛ్ ఈవెంట్ ను మూవీటీమ్ నిర్వహించింది. ఈ కార్యక్రమానికి తన దేశం నుంచి వార్నర్ ముఖ్య అతిథిగా విచ్చేసి సందడి చేశాడు. అయితే ఈ ఈవెంట్ కు సినిమాలో నటించిన సీనియర్ నటుడు రాజేంద్ర ప్రసాద్ కూడా హాజరయ్యాడు. ఈ క్రమంలోనే స్టేజ్ పై ఎక్కి మాట్లాడిన రాజేంద్ర ప్రసాద్.. వార్నర్ పై అనుచిత వ్యాఖ్యలు చేశారు. "వార్నర్ ను పట్టుకొచ్చారు. అతడిని క్రికెట్ ఆడమంటే.. పుష్ప స్టెప్పులు వేస్తున్నాడు. ఈ దొంగ ముండా కొడుకు.. రేయ్ వార్నర్. ఇదే నా వార్నింగ్." అంటూ వివాదస్పద వ్యాఖ్యలు చేశాడు. అయితే రాజేంద్ర ప్రసాద్ చేసిన ఈ వ్యాఖ్యలు అర్థం కాక, వార్నర్ నవ్వుతూ కనిపించాడు.

ప్రస్తుతం రాజేంద్ర ప్రసాద్ చేసిన ఈ కామెంట్స్ తీవ్ర చర్చనయాంశంగా మారాయి. క్రికెట్ అభిమానులు.. రాజేంద్రప్రసాద్ పై అసహనం వ్యక్తం చేస్తున్నారు. వార్నర్ కు తెలుగు రాదు కాబట్టి, ఇష్టమొచ్చినట్లు మాట్లాడుతున్నారు, అలా అనడం కరెక్ట్ కాదని ఫ్యాన్స్ అంటున్నారు.