సచిన్ కు జైషే నుంచి ముప్పు

నాగపూర్: భారత క్రికెటర్, మాస్టర్ బ్లాస్టర్ సచిన్ టెండూల్కర్ కు జైష్ - ఎ - మొహ్మద్ నుంచి ముప్పు పొంచి ఉన్నట్లు నాగపూర్ పోలీసులకు సమాచారం అందింది. ఈ విషయాన్ని నాగపూర్ పోలీసులు ధృవీకరించారు. టెండూల్కర్ కు జైషే తీవ్రవాదుల నుంచి ముప్పు ఉన్నట్లు నిఘా వర్గాలు గుర్తించి నాగపూర్ పోలీసులకు సమాచారం అందించాయి. దీంతో సచిన్ టెండూల్కర్ కు భద్రతను పెంచుతున్నారు. ఇప్పటికే ఆయనకు ప్రత్యేక భద్రతా ఏర్పాట్లు చేసినట్లు సమాచారం.

ఈ నెల 6వ తేదీ నుంచి నాగపూర్ లో ఆస్ట్రేలియాతో భారత్ నాలుగో టెస్టు మ్యాచ్ జరగనుంది. ఈ టెస్టు మ్యాచులో సచిన్ టెండూల్కర్ ఆడుతున్నాడు. ఈ దృష్ట్యా సచిన్ టెండూల్కర్ భద్రతపై పోలీసులు ప్రత్యేకంగా దృష్టి సారించారు.