అభిమానులకు ఓ యుద్ధంలా: యాషెస్‌కు ఆ పేరు ఎలా వచ్చిందో తెలుసా?

క్రికెట్‌కు పుట్టినిల్లు ఇంగ్లాండ్

క్రికెట్ పుట్టినిల్లు ఇంగ్లాండ్. క్రికెట్‌ తొలినాళ్లలో ఇంగ్లాండ్‌దే ఆధిపత్యం. అయితే 1882లో అంటే సరిగ్గా 137 ఏళ్ల కిందట ఇంగ్లాండ్ ఆధిపత్యానికి ఆసీస్ అడ్డుకట్ట వేసింది. ఆ ఏడాది ఇంగ్లాండ్ పర్యటనకు వెళ్లిన ఆస్ట్రేలియా.. వాళ్లను సొంతగడ్డపైనే ఓడించింది. దీనిపై అక్కడి మీడియా ఇంగ్లిష్ క్రికెట్ చచ్చిపోయిందని, శరీరాన్ని కాల్చి బూడిదను ఆస్ట్రేలియాకు తీసుకెళ్లారని టైమ్స్ పత్రిక అప్పట్లో పెద్దఎత్తున వార్తాకథనాన్ని రాసింది. ఆ తర్వాత అదే ఏడాది చివర్లో ఆస్ట్రేలియా పర్యటనకు వెళ్లిన ఇంగ్లాండ్ కెప్టెన్ బ్లిగ్.. ఆ బూడిదతోపాటు ఇంగ్లిష్ క్రికెట్ గౌరవాన్ని కూడా తిరిగి తీసుకొస్తానని ప్రతిజ్ఞ చేశాడు.

ఓ ప్రెండ్లీ మ్యాచ్‌లో

1882-83లో రూపర్ట్‌వుడ్స్ మాన్షన్‌లో జరిగిన ఓ ప్రెండ్లీ మ్యాచ్‌లో అక్కడి మహిళల బృందం ఓ చిన్న కప్పులో ఆ బూడిదను వేసి ఇచ్చారు. ఆ బూడిద ఇంగ్లాండ్ జట్టు ఓడిపోయిన మ్యాచ్‌లో స్టంప్స్‌పై వాడిన ఓ బెయిల్‌ది అని చెబుతుంటారు. ఇలా ఆ ఘటన ఓ పెద్ద 'బూడిద' సంగ్రామానికి దారి తీసింది. ఆ తర్వాత యాషెస్ ఇరు దేశాలకు సంబంధించి పరువు ప్రతిష్టలకు ముడిపెట్టడంతో అదికాస్తా ప్రతిష్టాత్మక సిరీస్‌గా మారిపోయింది. ప్రతి రెండేళ్లకోసారి ఇంగ్లండ్, ఆస్ట్రేలియాలు ఈ సిరీస్‌కు ఆతిథ్యమిస్తున్నాయి.

ఇంగ్లీషు గడ్డపై యాషెస్ నెగ్గి ఆస్ట్రేలియాకు 18 ఏళ్లవుతోంది

ఇంగ్లీషు గడ్డపై ఆస్ట్రేలియా యాషెస్ సిరిస్ నెగ్గి సరిగ్గా 18 ఏళ్లవుతోంది. 2001లో స్టీవ్ వా నాయకత్వంలోని ఆస్ట్రేలియా జట్టు 4-1తో ట్రోఫీని నెగ్గిన ఆస్ట్రేలియా ఆ తర్వాత ఇప్పటివరకు ఇంగ్లాండ్‌లో యాషెస్ టెస్టు సిరీస్‌ గెలవలేదు. ఆ తర్వాత 9 యాషెస్‌లు జరగ్గా ఇంగ్లాండ్‌ నాలుగు సిరీస్‌లకు ఆతిథ్యమిచ్చింది. అందులో సొంతగడ్డపై జరిగిన ఐదు యాషెస్ సిరీస్‌ల్లో ఆస్ట్రేలియా నాలుగింట విజయం సాధించి ఒకటి దాంట్లో ఓడిపోయింది. ఇప్పటివరకు మొత్తం 70 యాషెస్‌ సిరీస్‌లు జరిగితే.. అందులో 33 సార్లు ఆస్ట్రేలియా విజేతగా నిలిచింది. ఇక, ఇంగ్లాండ్‌ 32 సార్లు విజయం సాధించింది. ఐదు సిరీస్‌లు డ్రాగా ముగిశాయి.

ఎనిమిది యాషెస్‌ సిరీస్‌ల్లో ఆస్ట్రేలియా విజయం

1989-2003 మధ్య కాలంలో జరిగిన ఎనిమిది యాషెస్‌ సిరీస్‌ల్లో ఆస్ట్రేలియా వరుస విజయాల పరంపరను కొనసాగించింది. అయితే, ఈసారి యాషెస్ కాస్త భిన్నంగా జరుగుతోంది. సంప్రదాయ టెస్టు క్రికెట్‌ను అభిమానులకు మరింతగా చేరువ చేసేందుకు గాను ఐసీసీ ప్రవేశ పెట్టిన టెస్టు ఛాంపియన్‌షిప్‌ ఈ సిరీస్‌తోనే మొదలవుతుండటం విశేషం. ఈ ఐసీసీ టెస్టు ఛాంపియన్‌షిప్‌లో మొత్తం 9 జట్లు పోటీలో పాల్గొంటాయి. రెండేళ్లలో 71 మ్యాచులు, 27 సిరీస్‌లు జరుగుతాయి. చివరిగా తొలి రెండు స్థానాల్లో నిలిచిన జట్లు ఇంగ్లాండ్ వేదికగా 2021, జూన్‌న జరగనున్న పైనల్లో తలపడతాయి.

ఐదు టెస్టుల యాషెస్ పూర్తి షెడ్యూల్

Aug 01 (Thu) - Aug 05 (Mon): England vs Australia 1st Test at Edgbaston, Birmingham

Aug 14 (Wed) - Aug 18 (Sun): England vs Australia 2nd Test at Lord's, London

Aug 22 (Thu) - Aug 26 (Mon): England vs Australia 3rd Test at Headingley, Leeds

Sep 04 (Wed) - Sep 08 (Sun): England vs Australia

4th Test at Old Trafford, Manchester

Sep 12 (Thu) - Sep 16 (Mon): England vs Australia 5th Test at The Oval, London

జట్ల వివరాలు(తొలి టెస్టుకు మాత్రమే)

ఇంగ్లాండ్: జో రూట్(కెప్టెన్), మొయిన్ అలీ, జేమ్స్ ఆండర్సన్, జోఫ్రా ఆర్చర్, జానీ బెయిర్ స్టో, స్టువర్ట్ బ్రాడ్, రోరీ బర్న్స్, జోస్ బట్లర్, సామ్ కర్రన్, జోయి డేన్లే, జేసన్ రాయ్, బెన్ స్టోక్స్, ఒల్లీ స్టోన్, క్రిస్ వోక్స్

ఆస్ట్రేలియా: టిమ్ పైన్ (కెప్టెన్), కామెరాన్ బాన్‌క్రాఫ్ట్, పాట్ కమ్మిన్స్, మార్కస్ హారిస్, జోష్ హాజిల్‌వుడ్, ట్రావిస్ హెడ్, ఉస్మాన్ ఖవాజా, మార్నస్ లాబుస్చాగ్నే, నాథన్ లియోన్, మిచెల్ మార్ష్, మైఖేల్ నేజర్, జేమ్స్ ప్యాటిన్సన్, పీటర్ సిడిల్, స్టీవ్ స్మిత్, మిచెల్ స్టార్క్, మాథ్యూ వేడ్, డేవిడ్ వార్నర్.