IPL 2025: అందుకే నేను బ్యాటింగ్‌కు రాలేదు: నితీష్ రాణా

IPL 2025: ఐపీఎల్ 2025 సీజన్‌లో బుధవారం తొలి సూపర్ ఓవర్ జరిగింది. ఈ ఉత్కంఠభరితమైన మ్యాచ్‌లో ఢిల్లీ క్యాపిటల్స్ రాజస్థాన్ రాయల్స్ పై విజయం సాధించింది. ఈ మ్యాచ్‌లో రాజస్థాన్ రాయల్స్ తరపున నితీష్ రాణా 28 బంతుల్లో 51 పరుగులు చేసి 18వ ఓవర్ వరకు క్రీజులో నిలిచాడు. నితీష్ రాణాతో పాటు యశస్వి జైస్వాల్ కూడా జట్టుకు 37 బంతుల్లో 51 పరుగులు అందించాడు. అయితే సూపర్ ఓవర్ లో బ్యాటింగ్ విషయానికి వస్తే.. కెప్టెన్ సంజు శాంసన్ రియాన్ పరాగ్, షిమ్రాన్ హెట్మెయర్‌లపై నమ్మకాన్ని ఉంచాడు.

కానీ సంజు శాంసన్ నిర్ణయం ఏదో విధంగా జట్టుకు హాని కలిగించింది. పరిస్థితి ఎలా ఉందంటే.. సూపర్ ఓవర్‌లో వికెట్ పడిపోయినా సంజు శాంసన్ యశస్వి జైస్వాల్ ను బ్యాటింగ్ కు పంపాడు. తద్వారా నితీష్ రాణాను మరోసారి పట్టించుకోలేదు. మ్యాచ్ ముగిసిన తర్వాత కెప్టెన్ సంజు శాంసన్ తీసుకున్న ఈ నిర్ణయంపై నితీష్ రాణా తన అభిప్రాయాన్న వ్యక్తం చేశాడు.

ఈ ప్రశ్న అడగకండి -నితీష్ రాణా
మ్యాచ్ అనంతరం జరిగిన విలేకరుల సమావేశంలో నితీష్ రాణా ఈ విషయంపై మాట్లాడుతూ.. "సూపర్ ఓవర్లో హెట్మెయర్, రియాన్ పరాగ్‌‌లను బ్యాటింగ్ కు పంపించాలనేది ఎవరో ఒక్కరు తీసుకున్న నిర్ణయం కాదు. జట్టు యాజమాన్యం తీసుకున్న నిర్ణయం అది. కెప్టెన్ తో పాటు మరో ఇద్దరు సీనియర్ ఆటగాళ్లు, కోచ్‌లు అందరూ ఆలోచించి వారిని బ్యాటింగ్ కు పంపించారు. షిమ్రాన్ హెట్మెయర్ రెండు సిక్సర్లు కొట్టి ఉంటే మీరు ఈ ప్రశ్న అడిగేవారు కాదు కదా. క్రికెట్ అనేది యాజమాన్యం, సహాయక సిబ్బంది మధ్య చర్చల ఆధారంగా నిర్ణయాలు తీసుకునే ఆట. ఒక వ్యక్తి ఎప్పుడూ అలాంటి నిర్ణయాలు తీసుకోడు. అటువంటి విషయాలను చర్చించడానికి నిర్వహణ, సహాయక సిబ్బంది ఉన్నారు. నిర్ణయం మాకు అనుకూలంగా ఉంటే.. మీ ప్రశ్న వేరేలా ఉండేది. సందీప్ శర్మ సూపర్ ఓవర్‌లో బాగా బౌలింగ్ చేసి ఉంటే, ఈ ప్రశ్న తలెత్తేది కాదు. మేము ఒక్క పెద్ద షాట్ తక్కువగా ఆడాము. సూపర్ ఓవర్‌లో మేము 15 పరుగులు చేయాలనే లక్ష్యాన్ని నిర్దేశించాము." అని నితీష్ రాణా పేర్కొన్నాడు.