అప్పుడే రాజీనామాకు సార్థకత: థరూర్

న్యూఢిల్లీ: క్రికెట్ క్రీడ శుభ్రపడితేనే తన రాజీనామాకు సార్థకత ఉంటుందని మాజీ విదేశీ వ్యవహారాల సహాయ మంత్రి శశి థరూర్ అన్నారు. తనపై వచ్చిన ఆరోపణలపై సమగ్ర విచారణ కోసం ఎదురు చూస్తున్నట్లు ఆయన శనివారం ట్విట్టర్ లో అన్నారు. కొచ్చి ఐపియల్ జట్టు వ్యవహారంలో వచ్చిన ఆరోపణలపై ఆయన మంత్రి పదవికి రాజీనామా చేసిన విషయం తెలిసిందే.

తన రాజీనామా వల్ల క్రికెట్ లో సంస్కరణలు వచ్చి అది బాగుపడితే చాలునని ఆయన అన్నారు. కేరళలోని తన నియోజకవర్గానికి వెళ్లి పనిచేయాలని అనుకుంటున్నట్లు ఆయన తెలిపారు. ఐపియల్ నుంచి తాను ఒక్క పైసా కూడా పొందలేదని, కేరళకు ఓ జట్టు కావాలని మాత్రమే ఆశించానని ఆయన అన్నారు.