ఓలింపిక్ జ్యోతి ర్యాలీకి సచిన్ 'నో'

ముంబయి: ఓలింపిక్ జ్యోతి ర్యాలీలో భారత క్రికెట్ మాస్టర్ బ్యాట్స్ మన్ సచిన్ టెండూల్కర్ పాల్గొనడం లేదు. గాయం కారణంగా ఆయన ఈ కార్యక్రమానికి దూరంగా ఉండాలని నిర్ణయించుకున్నారు. తన నిర్ణయాన్ని టెండూల్కర్ భారత ఓలింపిక్ సంఘానికి తెలియజేసినట్లు సమాచారం. ఓలింపిక్ జ్యోతి బుధవారం పాకిస్తాన్ కు చేరుకుంది. రేపు భారత్ కు చేరుకుంటుంది.
చైనా రాజధాని బీజింగ్ లో ఆగస్టులో ఓలింపిక్ క్రీడలు జరుగుతున్నాయి. ఈ నేపథ్యంలో ఓలింపిక్ జ్యోతిని ప్రపంచమంతటా తిప్పుతున్నారు. భారత్ లో ఓలింపిక్ జ్యోతి ఊరేగింపు మార్గాన్ని నిర్ణయించారు. ఈ జ్యోతిని విజయ్ పథ్, ఇండియా గేట్ ల మధ్య రెండున్నర కిలోమీటర్లు ఊరేగుతుంది. ఓలింపిక్ జ్యోతి ఊరేగింపునకు మూడు వేలమంది భద్రతా సిబ్బందిని ఏర్పాటు చేస్తున్నారు. ఈ కార్యక్రమంలో లియాండర్ పేస్, పిటి ఉష, మానవ్ జిత్ సి౦గ్ స౦ధూ వంటి క్రీడాకారులతో పాటు అమీర్ ఖాన్, సైఫ్ అలి ఖాన్ వంటి సినీ కళాకారులు పాల్గొంటారు.