T20 World Cup 2026: బంగ్లాదేశ్ జట్టు ప్రకటన.. కెప్టెన్‌గా హిందూ ప్లేయర్!

T20 World Cup 2026: ఫిబ్రవరి 7 నుంచి భారత్, శ్రీలంక వేదికలుగా జరగనున్న టీ20 ప్రపంచ కప్ కోసం బంగ్లాదేశ్ క్రికెట్ బోర్డు జట్టును ఖరారు చేసింది. ఐపీఎల్ వివాదం, భారత్‌తో దౌత్యపరమైన ఉద్రిక్తతల నడుమ టీ20 ప్రపంచకప్ 2026 కోసం బంగ్లాదేశ్ తన 15 మంది సభ్యుల జట్టును ప్రకటించింది. స్టార్ వికెట్ కీపర్, బ్యాటర్ లిట్టన్ కుమార్ దాస్ జట్టు పగ్గాలు చేపట్టగా.. మహ్మద్ సైఫ్ హసన్ వైస్ కెప్టెన్‌గా ఎంపికయ్యారు.

జట్టులో ముస్తాఫిజుర్ రెహ్మాన్
ఇటీవల ఐపీఎల్ నుంచి అర్ధాంతరంగా వైదొలిగిన స్టార్ పేసర్ ముస్తాఫిజుర్ రెహ్మాన్ ఈ జట్టులో ప్రధాన ఆకర్షణగా నిలిచాడు. బంగ్లాదేశ్ బౌలింగ్ విభాగాన్ని ఆయన ముందుండి నడిపించనున్నాడు. అలాగే సీనియర్ పేసర్ తస్కిన్ అహ్మద్ కూడా జట్టులో చోటు దక్కించుకున్నాడు.

బంగ్లాదేశ్ పూర్తి జట్టు (15 మంది సభ్యులు):
లిటన్ కుమార్ దాస్ (కెప్టెన్/కీపర్), మహ్మద్ సైఫ్ హసన్ (వైస్ కెప్టెన్), తంజిద్ హసన్, మహ్మద్ పర్వేజ్ హుస్సేన్ ఇమాన్, తౌహీద్ హృదోయ్, షమీమ్ హుస్సేన్, కాజీ నురుల్ హసన్ సోహన్, షక్ మెహదీ హసన్, రిషాద్ హుస్సేన్, నసుమ్ అహ్మద్, ముస్తాఫిజుర్ రెహ్మాన్, తంజిమ్ హసన్ సాకిబ్, తస్కిన్ అహ్మద్, మహ్మద్ సైఫుద్దీన్, షోరిఫుల్ ఇస్లాం

గ్రూప్ ఆఫ్ డెత్ లో బంగ్లాదేశ్
ఈ ప్రపంచకప్‌లో బంగ్లాదేశ్ గ్రూప్-సిలో ఉంది. దీనిని 'గ్రూప్ ఆఫ్ డెత్' అని పిలుస్తున్నారు, ఎందుకంటే ఇందులో బలమైన ఇంగ్లాండ్, వెస్టిండీస్ జట్లు ఉన్నాయి. వీటితో పాటు నేపాల్, ఇటలీ కూడా ఇదే గ్రూప్‌లో ఉన్నాయి. సూపర్-8 దశకు చేరుకోవాలంటే బంగ్లాదేశ్ అద్భుత ప్రదర్శన చేయాల్సి ఉంటుంది.

బంగ్లాదేశ్ షెడ్యూల్ (వేదిక: భారత్):
బంగ్లాదేశ్ తన లీగ్ మ్యాచ్‌లను కోల్‌కతా, ముంబైలలో ఆడాల్సి ఉంది:

*ఫిబ్రవరి 7: వెస్టిండీస్‌తో (కోల్‌కతా)

*ఫిబ్రవరి 9: ఇటలీతో (కోల్‌కతా)

*ఫిబ్రవరి 14: ఇంగ్లాండ్‌తో (కోల్‌కతా)

*ఫిబ్రవరి 17: నేపాల్‌తో (ముంబై)