ట్వంటీ20: శ్రీలంకపై ఆసీస్ గెలుపు

బార్బడోస్‌: ఆస్ట్రేలియా సెమీస్‌ అవకాశాల్ని మరింత మెరుగుపరుచుకుంది. ఆదివారం జరిగిన సూపర్‌-8 మ్యాచ్‌లో ఆసీస్‌ 81 పరుగుల తేడాతో శ్రీలంకపై భారీ విజయం సాధించింది. 169 పరుగుల లక్ష్యఛేదనలో లంక 87 పరుగులకే కుప్పకూలింది. జాన్సన్‌ (3/15), స్టీవెన్‌ స్మిత్‌ (2/12) నానెస్‌ (2/19) లంక పతనాన్ని శాసించారు.

శ్రీలంక జట్టులో దిల్షాన్‌ (20) టాప్‌స్కోరర్‌. అంతకుముందు టాస్‌ గెలిచి మొదట బ్యాటింగ్‌ చేసిన ఆస్ట్రేలియా వైట్‌ (85 నాటౌట్‌; 49 బంతుల్లో 6X4, 6X6), మైక్‌ హసి (39; 26 బంతుల్లో 4X4, 1X6) చెలరేగడంతో 20 ఓవర్లలో 5 వికెట్ల నష్టానికి 168 పరుగులు చేసింది. 30 పరుగులకే 4 వికెట్లు కోల్పోయిన ఆసీస్‌ను వైట్‌, హసి గట్టెక్కించారు.