అనురాగ్ ఠాకూర్ తొలగింపు: ట్విట్టర్‌లో ఎవరేమన్నారు?

హైదరాబాద్: బీసీసీఐపై సుప్రీం కోర్టు కొరడా ఝళిపించింది. సంస్కరణల అమలు విషయంలో లోధా కమిటీ, బీసీసీఐ మధ్య నడుస్తున్న కేసు వివాదంపై ఇప్పటికే పలుమార్లు వాయిదా వేసిన సుప్రీం కోర్టు సోమవారం ఎట్టకేలకు తుది తీర్పు వెలువరించింది. కోర్టు ఆదేశాలు అమలు చేయనందుకు బీసీసీఐ అధ్యక్షుడు, ప్రధాన కార్యదర్శి అజయ్‌ షిర్కేలను పదవుల నుంచి తొలగించింది.

వివరాల్లోకి వెళితే క్రికెట్‌ ప్రక్షాళనకు చేపట్టాల్సిన సంస్కరణలతో కూడిన నివేదికను లోధా కమిటీ 2016, జులై 18న సుప్రీంకోర్టుకు సమర్పించింది. కూలింగ్ ఆఫ్ పిరియడ్, ఒక రాష్ట్రానికి ఒకే ఓటు, 70 ఏళ్లు పైబడిన వారు రాజకీయ నేతలు క్రికెట్‌ సంఘాల్లో ఎలాంటి పదవులు చేపట్టారని కమిటీ సూచించింది.

ఈ క్రమంలో సుప్రీం కోర్టు నిబంధనలకు విరుద్ధంగా అజయ్‌ షిర్కేను ప్రధాన కార్యదర్శిగా నియమించింది. అంతేకాదు లోధా కమిటీ సూచించిన పలు సిఫారసులను సైతం బీసీసీఐ బోర్డు సభ్యులు వ్యతిరేకిస్తూ వచ్చారు. లోధా కమిటీ పేర్కొన్న కొన్ని సిఫారుసులను అమలు చేయడం కష్టసాధ్యమని బోర్డు అధ్యక్షుడు అనురాగ్ ఠాకూర్ స్పష్టం చేశారు.

దీనిపై సుప్రీంకోర్టు గతంలోనే బీసీసీఐపై ఆగ్రహం వ్యక్తం చేసింది. కోర్టు ధిక్కారానికి పాల్పడినందుకు జైలుకు వెళ్లాల్సి వస్తుందని గత విచారణ సందర్భంగా కోర్టు అనురాగ్‌ ఠాకూర్‌ను హెచ్చరించింది. ఈ నేపథ్యంలో సోమవారం బీసీసీఐకి సుప్రీం కోర్టు షాక్ ఇచ్చింది. లోథా కమిటీ సిఫార్సులను అమలు చేయకపోవటంతోనే ఈ చర్యలు తీసుకున్నట్లు సుప్రీం కోర్టు తెలిపింది.

సుప్రీం కోర్టు తాజా తీర్పుతో బోర్డులోని కీలక పదవులను కోల్పోనున్నారు. బీసీసీఐలో సభ్యుల ఎంపికపై సూచనలు ఇచ్చేందుకు ఇద్దరు న్యాయవాదులను సైతం సుప్రీంకోర్టు నియమించింది. తదుపరి విచారణను జనవరి 19కి వాయిదా వేసింది. తొలగించిన వారి స్ధానంలో బోర్డు సభ్యులుగా కొత్తవారిని జనవర్‌ 19న ప్రకటిస్తామని సుప్రీం కోర్టు తెలిపింది.

సుప్రీం కోర్టు తీర్పుపై ఏవరేమన్నారు: