Click it and Unblock the Notifications
షాన్ అబాట్
ఆస్ట్రేలియా పేసర్ షాన్ అబాట్ను సన్రైజర్స్ వదిలేయడం తెలివైన నిర్ణయం. ఎందుకంటే గతేడాది ఐపీఎల్లో సన్రైజర్స్ తరఫున అబాట్ కేవలం ఒక్క మ్యాచ్ మాత్రమే ఆడాడు. దానిలో కూడా 47 పరుగులు ఇచ్చి ఒక వికెట్ తీసుకున్నాడు. బంతితో, బ్యాటుతోనూ రాణించగల సత్తా అబాట్కు ఉంది. కానీ ఐపీఎల్ జట్టు ఆధారపడగలిగే అంత ప్రతిభ అబాట్లో కనబడటం లేదు. ఆసీస్ టీ20 జట్టులోకి వస్తూ పోతూ ఉండే అతను అక్కడ కూడా తన స్థానాన్ని పదిలం చేసుకోలేకపోయాడు. దీనికితోడు సన్రైజర్స్ వద్ద మరిన్ని పేస్ బౌలింగ్ ఆప్షన్స్ ఉన్నాయి. అలాగే వేలంలో మరో మంచి ఆల్రౌండర్ కోసం వెళ్లాలన్నా అబాట్ను వదిలించుకోవడమే బెటర్.
రొమేరియో షెఫర్డ్
గతేడాది వేలంలో తాము కొనాలని అనుకున్న బిగ్ హిట్టర్లంతా అమ్ముడుపోవడంతో తొందరపాటుతో విండీస్ ప్లేయర్ రొమేరియో షెఫర్డ్ను సన్రైజర్స్ కొనేసింది. అతని కోసం ఏకంగా రూ.7.75 కోట్లు ఖర్చు పెట్టింది. గత సీజన్లో సన్రైజర్స్ తరఫున మూడు మ్యాచులు ఆడిన అతను మూడు వికెట్లు తీసుకొని, మొత్తమ్మీద 58 పరుగులు చేశాడు. డెత్ ఓవర్లలో పెద్దగా సత్తా చూపలేకపోవడమే కాకుండా, జట్టుకు లోయర్ ఆర్డర్లో కావలసినంత విధ్వంసాన్ని అందించడంలో కూడా విఫలమయ్యాడు. అందుకే తెలివిగా కావ్య అతన్ని వదిలించుకుంది. ఈసారి కూడా షెఫర్డ్కు మరో ఐపీఎల్ కాంట్రాక్ట్ దొరికే అవకాశం ఉంది. కానీ అంత భారీ మొత్తం మాత్రం లభించదు.
కేన్ విలియమ్సన్
మినీ వేలానికి ముందు సన్రైజర్స్ తీసుకున్న అతి పెద్ద నిర్ణయం కెప్టెన్ కేన్ విలియమ్సన్ను రిలీజ్ చేయడమే. ఆ జట్టు బడ్జెట్లో రూ.14 కోట్లు తీసుకున్న కేన్ మామ.. బ్యాటుతో చాలా నెమ్మదైన ఆరంభాలు అందించాడు. ఈ ఫార్మాట్లో పెద్దగా రాణించని విలియమ్సన్ను వదిలేసుకొని మరెవరైనా విదేశీ ప్లేయర్ను కొనుగోలు చేయాలని సన్రైజర్స్ డిసైడ్ అయింది. అయితే కెప్టెన్గా మంచి తెలివితేటలు ఉన్న విలియమ్సన్ను వదులుకోవడం రిస్క్తో కూడుకున్నదే అయినా.. టీ20 ఫార్మాట్లో కేవలం తెలివితేటలే మ్యాచులు గెలిపించవు కదా. జట్టుకు అవసరమైన ఆటతీరు కూడా ఉండాలి. అందుకే విలియమ్సన్ను వదిలేసినా సన్రైజర్స్పై ఎలాంటి విమర్శలు రాలేదు.
Continue with Google