రాహుల్‌కు చోటు, రహానేపై వేటు: సెలక్టర్లపై సన్నీ మండిపాటు

కేఎల్ రాహుల్‌కు చోటు దక్కడంపై గవాస్కర్

అదే సమయంలో కేఎల్ రాహుల్‌కు స్థానం కల్పించడాన్ని ఆయన ప్రశ్నించారు. రాహుల్ ను ఎంపిక చేయడానికి గల కారణాలను వెల్లడించాలని డిమాండ్ చేశారు. 'కేఎల్ రాహుల్‌ను టీ20 సిరిస్‌కి ఎంపిక చేశారు. రాహుల్ మంచి ఆటగాడే.. కానీ ఐదు వన్డేల సిరీస్‌లో ఒక గేమ్ కూడా అతనికి ఆడే అవకాశం ఇవ్వలేదు. అలాంటప్పుడు టీ20 సిరీస్‌కు రాహుల్ జట్టులో ఎందుకు?' అని నిలదీశారు.

వరుసగా నాలుగు హాఫ్ సెంచరీలు

వరుసగా నాలుగు హాఫ్ సెంచరీలను చేసిన రహానేకు స్థానం కల్పించి ఉండాల్సిందని అన్నారు. ఐదు వన్డేల సిరీస్‌లో రహానే వరుసగా 5, 55, 70, 53, 61 పరుగులు చేసి సత్తా చాటిన సంగతి తెలిసిందే. చెన్నైలో జరిగిన తొలి వన్డే మినహా మిగతా మ్యాచ్‌ల్లో రహానే హాఫ్ సెంచరీలతో రాణించిన సంగతి తెలిసిందే.

సెలక్టర్ల నిర్ణయాన్ని గౌరవిస్తా

మరోవైపు మూడు టీ20ల సిరిస్‌లో తనకు చోటు దక్కకపోవడంపై రహానే కూడా స్పందించాడు. తానెప్పుడూ సెలక్టర్ల నిర్ణయాన్ని గౌరవిస్తానని టీ20 సిరీస్‌కి ప్రకటించిన జట్టులో చోటు దక్కని తర్వాత రహానే మీడియాతో పేర్కొన్నాడు. జట్టులో ఎప్పుడూ పోటీ ఉంటేనే ప్రతీ ఒక్కరూ వంద శాతం ప్రదర్శన ఇవ్వడానికి కష్టపడతారని రహానే స్సష్టం చేశాడు.

భారత జట్టు:

విరాట్ కోహ్లీ (Capt), రోహిత్ శర్మ (VC), శిఖర్ ధావన్, కేఎల్ రాహుల్, మనీశ్ పాండే, కేదార్ జాదవ్, దినేశ్ కార్తీక్, ధోని (wk), హార్ధిక్ పాండ్యా, కుల్దీప్ యాదవ్, యజువేంద్ర చాహల్, జస్ ప్రీత్ బుమ్రా, భువనేశ్వర్ కుమార్, ఆశీష్ నెహ్రా, అక్షర పటేల్