8వ తరగతి విద్యార్థి ఆట చూసేందుకే నిద్రలేచా: సుందర్ పిచాయ్

Vaibhav Suryavanshi: 14 ఏళ్ల వైభవ్ సూర్యవంశీ జైపూర్ మైదానంలో తన అటాకింగ్ బ్యాటింగ్‌తో అందరి హృదయాలను గెలుచుకున్నాడు. వైభవ్ సూర్యవంశీ తన ఐపీఎల్ కెరీర్‌ను శక్తివంతమైన సిక్స్ కొట్టడం ద్వారా ప్రారంభించాడు. దానిని చూసి అందరూ ఆశ్చర్యపోయారు. వైభవ్ సూర్యవంశీ 20 బంతుల్లో 34 పరుగులు చేసి అద్భుతమైన ఇన్నింగ్స్ ఆడాడు. 170 స్ట్రైక్ రేట్‌తో ఆడుతున్న వైభవ్ సూర్యవంశీ 2 ఫోర్లు, మూడు సిక్సర్లు బాదాడు. తన తొలి మ్యాచ్‌లో వైభవ్ సూర్యవంశీ అద్భుతమైన ఇన్నింగ్స్‌ను చూసిన తర్వాత గూగుల్ సీఈవో సుందర్ పిచాయ్ కూడా రాజస్థాన్‌కు చెందిన యువ బ్యాటర్‌కు అభిమాని అయ్యాడు. సుందర్ పిచాయ్ తన ట్వీట్‌లో వైభవ్ సూర్యవంశీని చాలా ప్రశంసించారు.

వైభవ్‌కు అభిమాని అయిన సుందర్ పిచాయ్
ఐపీఎల్ చరిత్రలో అతిపిన్న వయస్కుడైన అరంగేట్ర ఆటగాడిగా వైభవ్ సూర్యవంశీ చరిత్ర సృష్టించాడు. యశస్వి జైస్వాల్‌తో కలిసి ఇన్నింగ్స్ ప్రారంభించిన వైభవ్ 20 బంతుల్లో 34 పరుగులు చేశాడు. 14 ఏళ్ల ఈ బ్యాటర్ వైభవ్ సూర్యవంశీ, యశస్వి జైస్వాల్ తొలి వికెట్ కు 85 పరుగులు జోడించారు. తన తొలి మ్యాచ్‌లోనే వైభవ్ సూర్యవంశీ తనదైన ముద్రవేయడంలో విజయం సాధించాడు. రాజస్థాన్‌కు చెందిన ఆ యువ ఆటగాడి బ్యాటింగ్ కు గూగుల్ సీఈవో సుందర్ పిచాయ్ కూడా అభిమాని అయ్యాడు. "ఐపీఎల్‌లో 8వ తరగతి విద్యార్థిని చూసి మేల్కొన్నాను. ఎంత గొప్ప అరంగేట్రం" అని గూగుల్ సీఈవో సుందర్ పిచాయ్ ట్వీట్ చేశాడు.

అతి చిన్న వయసులోనే అరంగేట్రం
ఐపీఎల్ లో అరంగేట్రం చేసి అతి పిన్న వయస్కుడిగా వైభవ్ సూర్యవంశీ నిలిచాడు. వైభవ్ సూర్యవంశీ 14 సంవత్సరాల 23 రోజుల వయస్సులో లక్నో సూపర్ జెయింట్స్‌తో జరిగిన మ్యాచ్ లో అరంగేట్రం చేశాడు. వైభవ్ కంటే ముందు ఈ రికార్డు ప్రేయాస్ రే బర్మాన్ పేరిట నమోదైంది. అతను 2019 సంవత్సరంలో 16 సంవత్సరాల 157 రోజుల వయస్సులో అరంగేట్రం చేశాడు. ఇదిలా ఉండగా.. వైభవ్ సూర్యవంశీ ఇండియన్ ప్రీమియర్ లీగ్ లో తన కెరీర్‌లోని మొదటి బంతికే సిక్స్ కొట్టిన 10వ బ్యాటర్ గా నిలిచాడు. ఐపీఎల్‌లో తన తొలి బంతికే వైభవ్ శార్దూల్ ఠాకూర్ బౌలింగ్‌లో తొలి బంతికే భారీ సిక్స్ కొట్టాడు. అయితే ఈ మ్యాచ్‌లో రాజస్థాన్ రాయల్స్ 2 పరుగుల తేడాతో ఓటమి పాలైంది.

ట్రోల్ చేసిన వారి నోళ్లు మూయించిన వైభవ్..
14 ఏళ్ల వైభవ్ సూర్యవంశీ ఐపీఎల్‌లో అత్యంత పిన్న వయస్కుడిగా అరంగేట్రం చేశాడు. ప్రస్తుతం సోషల్ మీడియా వేదికగా ప్రశంసల వర్షం కురుస్తోంది. మరోవైపు మీమ్స్ కూడా వస్తున్నాయి. ఎవరైతే వైభవ్ స్కూల్ గురించి ట్రోల్ చేశారో వాళ్లు ఇప్పుడు 9వ తరగతిలో ఉన్నారు. కానీ అతను ఈ రోజు ఇంటర్నేషనల్ క్రికెట్‌లో అరంగేట్రం చేశాడని కామెంట్లు చేస్తున్నారు.