|
2017లో ధోనీతో కలిసి ఆడిన స్టీవ్స్మిత్
2017లో ఐపీఎల్లో రైజింగ్ పుణె సూపర్ జెయింట్స్ తరఫున ధోనీతో కలిసి ఆడిన స్మిత్ అప్పట్లో ధోనీ ప్రాక్టీస్ని దగ్గర నుంచి పరిశీలించినట్లున్నాడు. అయితే.. అంతర్జాతీయ క్రికెట్లో ఆడినన్ని రోజులూ అలా ఆడే సాహసం చేయని స్టీవ్స్మిత్.. లోకల్ మ్యాచ్ల్లో మాత్రం స్వేచ్ఛగా ఆడేస్తున్నాడు. ముఖ్యంగా.. వికెట్లని పూర్తిగా వదిలేసి అతను బ్యాటింగ్ స్టాన్స్ తీసుకుంటుండటంతో.. బౌలర్లు యార్కర్ విసిరి బౌల్డ్ చేయాలని ఆశిస్తున్నారు.
ఆస్ట్రేలియాతో పోరంటేనే భయం
స్టీవ్స్మిత్కి ఇదే వరంలా మారుతోంది. పాదాలకి సమీపంలో పడిన బంతిని.. అతను అలవోకగా స్టాండ్స్లోకి తరలించేస్తున్నాడు. మ్యాచ్లో అప్పటి వరకు సిక్సర్లతో మెరిసిన స్మిత్.. ఆఖరికి ప్రత్యర్థి వికెట్ కీపర్ అత్యద్భుతంగా డైవ్ క్యాచ్ పట్టడంతో వెనుదిరిగాడు. ఒకప్పుడు ఆస్ట్రేలియాతో పోరంటేనే ప్రత్యర్థుల్లో ఓ రకమైన భయం. ఇప్పుడు పరిస్థితులు మారాయి. ఆస్ట్రేలియన్లు.. తమ సామర్థ్యంపై తామే అనుమానపడుతున్న పరిస్థితి. ఇందుకు కారణం లేకపోలేదు.
తమ సామర్థ్యంపై తామే సందేహంతో
పందొమ్మిది వన్డేల్లో పదిహేడింటిలో ఆస్ట్రేలియా ఓడింది. ఆదివారం దక్షిణాఫ్రికాతో జరిగిన వన్డేలోనైతే కంగారూల ప్రదర్శన ఘోరం. ఆరు వికెట్ల తేడాతో ఇంకా 20 ఓవర్లుండగానే ఆ జట్టు చేతులెత్తేసింది. ‘ఆటగాళ్లు తమ సామర్థ్యంపై తామే సందేహాపడుతున్నారు. అనుకున్న స్థాయిలో ప్రదర్శన చేయనపుడు ఇలాంటి సందేహాలు రావడం సహజమే. అయితే వీటిని అధిగమిస్తాం. మళ్లీ గాడిన పడతాం' అని ఆస్ట్రేలియా వన్డే కెప్టెన్ ఆరోన్ ఫించ్ అన్నారు.
19 వన్డేల్లో పదిహేడు మ్యాచ్ల్లో ఓడిపోయా
వన్డే ప్రపంచకప్నకు మరో 7 నెలలే గడువున్న నేపథ్యంలో ఏదో అద్భుతం జరిగితే తప్ప ఆస్ట్రేలియా గాడిలో పడే అవకాశాలు తక్కువేనని విశ్లేషకులు వ్యాఖ్యానిస్తున్నారు. ‘గత 19 వన్డేల్లో పదిహేడు మ్యాచ్ల్లో ఓడిపోయాం. ఏదో ఒకటి చేయాలి. ఇలానే కొనసాగితే ఇంతకంటే దారుణం మరొకటి ఉండదు' అని ఫించ్ అన్నాడు.