దాదా సౌరవ్ గంగూలీని దువ్వుతున్న షారూఖ్ ఖాన్

న్యూఢిల్లీ: భారత క్రికెట్ జట్టు మాజీ కెప్టెన్ సౌరవ్ గంగూలీని దువ్వడానికి కోల్‌కత్తా నైట్ రైడర్స్ యజమాని, బాలీవుడ్ నటుడు షారూఖ్ ఖాన్ ప్రయత్నిస్తున్నారు. దాదా ఆగ్రహాన్ని తగ్గించేందుకు ఆయన తిప్పలు పడుతున్నారు. గంగూలీని దూరం పెట్టాలనే నిర్ణయాన్ని కెకెఆర్ జట్టు చాలా గుండె బరువుతో తీసుకుందని ఆయన మీడియా ప్రతినిధులతో అన్నారు.

గంగూలీ జట్టులో ఉండాలని తాను ఎల్లవేళలా అనుకున్నట్లు ఆయన తెలిపారు. దాదా తన తమ్ముడిలాంటి వాడని, దాదాతో కలిసి మరిన్ని ఆటలు గెలవాలని తాను అనుకున్నానని షారూఖ్ చెప్పారు.