లంకతో ట్వంటీ ట్వంటీ వన్డే నేడే

కొలంబో: శ్రీలంకతో భారత్ ట్వంటీ ట్వంటీ మ్యాచ్ నేటి సాయంత్రం జరుగనుంది. శ్రీలంకలో జరుగుతున్న తొలి ట్వంటీ ట్వంటీ మ్యాచ్ ఇదే. జయవర్దనేతో పాటు...కీలక ఆటగాళ్లు వైస్‌ కెప్టెన్‌ సంగక్కర, మురళీధరన్‌, అజంత మెండిస్‌, నువాన్‌ కులశేఖర లేకుండానే లంక బరిలోకి దిగనుంది. భారత్‌ విషయానికొస్తే పెద్దగా మార్పులేమీ లేకపోవచ్చు. దాదాపు ఐదో వన్డే ఆడిన జట్టే ఆడొచ్చు. ట్వంటీ20 జట్టులో లేని సచిన్‌ మాత్రం ఇప్పటికే భారత్‌ చేరుకున్నాడు. జహీర్‌ విశ్రాంతి తీసుకునే అవకాశాలున్నాయి. ఐనా భారతే ఈ మ్యాచ్‌లో ఫేవరెట్‌. భారత్‌ ఆటగాళ్లు బ్యాటింగ్‌లో భీకరమైన ఫామ్‌లో ఉన్నారు. ఐదో వన్డేలో ఓడిపోయినా 'మ్యాన్‌ ఆఫ్‌ ద సిరీస్‌' యువరాజ్‌ ఎప్పట్లానే చెలరేగుతున్నాడు. ఏ స్థానంలోనైనా నేను రెఢీ అంటున్నాడు సారథి ధోని. ఇక సుడిగాలి ఆరంభాన్నిచే ఢిల్లీ ద్వయం (గంభీర్‌, సెహ్వాగ్‌) ఉండనే ఉంది. వీరికి తోడు రైనా, రోహిత్‌ శర్మ, యూసుఫ్‌ పఠాన్‌...ఇలా ప్రతి ఒక్కరు ట్వంటీ20 క్రికెట్లో రాటుదేలినవాళ్లే...!

జట్ల వివరాలు
భారత్‌: ధోనీ (కెప్టెన్‌), గంభీర్‌, సెహ్వాగ్‌, సురేష్‌ రైనా, యువరాజ్‌, రోహిత్‌ శర్మ, రవీంద్ర జడేజా, యూసుఫ్‌ పఠాన్‌, ఇర్ఫాన్‌ పఠాన్‌, జహీర్‌ ఖాన్‌, ప్రవీణ్‌ కుమార్‌, ప్రజ్ఞాన్‌ ఓఝా, ఇషాంత్‌ శర్మ, బాలాజీ.
శ్రీలంక: దిల్షాన్‌ (కెప్టెన్‌), జయసూర్య, ముబారక్‌, చమర కపుగెదెర, చమర సిల్వా, ఇండికా డి సరమ్‌, మలింగ, ఫెర్నాండో, మహరూఫ్‌, కౌశల్య వీరరత్నే, మలింగ బండార, జీవంత కులతుంగ, దిల్హార లోకుహెట్టిగె, మహేల ఉడవట్టె, తిలన్‌ తుషార.