లాస్ట్ వన్డేలోభారత్ పై శ్రీలంక విజయం

చివరి వన్డేలో శ్రీలంక 112 పరుగుల తేడాతో భారత్ పై విజయం సాధించి పరువు నిలుపుకుంది. వర్షం కారణంగా లక్ష్యాన్ని కుదించిన ఈ మ్యాచ్ లో భారత్ బ్యాట్స్ మెన్స్ ఘోరంగా విఫలమయ్యారు. మరోవైపు పిచ్ నుంచి వచ్చిన సహకారంతో లంక బౌలర్లు విజృంభించి మ్యాచ్ ను కైవసం చేసుకున్నారు. టాస్ గెలిచి బ్యాటింగ్ ఎంచుకున్న శ్రీలంక ఆరంభంలోనే ఓపెనర్ జయసూర్య వికెట్ ను కోల్పోయింది. మరో ఓపెనర్ వర్ణపుర,యుడావతే తో కలసి ధాటిగా ఆడాడు. అయితే వీరిద్దరూ వెంటవెంటనే ఔటవడంతో స్కోరు వేగం తగ్గింది.

తర్వాత ఫీల్డులోకి వచ్చిన సంగక్కర,జయవర్ధనే,కపుగదరేలు కూడా స్వల్ప స్కోరుకే ఔటవడంతో 113 పరుగులకే 6 వికెట్లు కోల్పోయింది. ఈ దశలో టెయిలెండర్లు తుషార,ముబారక్ లంకను ఆదుకున్నారు. ముందు ఆచితూచి ఆడిన వీరిద్దరూ చివరి ఓవర్లలో దాటిగా ఆడడంతో లంక స్కోరు 200 పరుగులు దాటింది. టాస్ ఆర్డర్ బ్యాట్సమన్ ను తక్కువ స్కోరుకే పెవిలియన్కు పంపిన భారత భౌలర్లు వీరిద్దరిపై ఎటువంటి ప్రభావం చూపలేకపోయారు. తుషార 54 పరుగులతోనూ,ముబారక్ 47 పరుగులతోనూ నాటౌటౌగా నిలిచారు. 228 పరుగుల విజయలక్ష్యంతో బరిలోకి దిగిన భారత్ కు ఓపెనర్ విరాట్ కోహ్లీ శుభారంభాన్నిచ్చాడు.

అయితే మరో ఓపెనర్ గంభీర్ 11 పరుగులకే ఔటయ్యాడు. కాస్సేపటికే ధాటిగా ఆడుతున్న కోహ్లితో పాటు రైనా కూడా తక్కువ స్కోరు పెవిలియన్ చేరుకున్నాడు. ఈ దశలో వర్షం అంతరాయం కలిగించటంతో భారత్ లక్ష్యాన్ని 44 ఓవర్లకు 216 పరుగులగా నిర్ణయించారు. మ్యాచ్ తిరిగి ప్రారంభమైన తర్వాత భారత వికెట్లు పతనం వేగంగా కొనసాగింది. ఇప్పటికే సీరిస్ గెలిచుకున్నా మన్న ధీమానో ఏమో ఏ ఒక్క బ్యాట్స్మన్ క్రీజులో నిలుదొక్కుకోవటానికి ప్రయత్నించలేదు.

ఒకరి వెనుక ఒకరు పెవిలియన్కు క్యూ కట్టారు. దీంతో భారత్ ఇన్నింగ్స్ 103 పరుగులకే ముగిసింది. లంక బౌలర్లలో కులశేఖర 4,మెండిస్ 4 వికెట్లు పడగొట్టారు. ఈ మ్యాచ్ లో రాణించిన కులశేఖరకు మ్యాన్ ఆఫ్ ది మ్యాచ్ టీమిండియా కెప్టెన్ ధోనీకి మ్యాన్ ఆఫ్ ది సీరిస్ అవార్డు దక్కాయి.