|
322/6 వద్ద గురువారం ఇన్నింగ్స్ను డిక్లేర్ చేసిన ఇంగ్లాండ్
ఈ ఆధిక్యంతో రెండో ఇన్నింగ్స్ను కొనసాగించిన ఇంగ్లాండ్ జట్టు 322/6 వద్ద గురువారం ఇన్నింగ్స్ను డిక్లేర్ చేసింది. అనంతరం 462 పరుగుల భారీ లక్ష్యంతో బరిలోకి దిగిన ఆతిథ్య జట్టు ఛేదన 250 పరుగులకే ఆలౌట్ కావడంతో మరో రోజు మిగిలుండగానే ఇంగ్లాండ్ విజయం సాధించింది. గాలే టెస్టు తన కెరీర్లో చివరి టెస్టు అని రంగనా హెరాత్ అక్టోబర్ నెలలోనే ప్రకటించిన సంగతి తెలిసిందే.
|
లేని పరుగు కోసం ప్రయత్నించి రనౌటైన హెరాత్
దీంతో ఆఖరి టెస్టులో రంగనా హెరాత్కు విజయంతో వీడ్కోలు పలకాలనే లంకేయులు ఆశ నెరవేరలేదు. ఈ మ్యాచ్లో రంగనా హెరాత్ లేని పరుగు కోసం ప్రయత్నించి రనౌటయ్యాడు. అంతేకాదు, ఈ మ్యాచ్లో రంగనా హెరాత్ కేవలం మూడు వికెట్లు మాత్రమే తీశాడు. మొత్తంగా హెరాత్ టెస్టుల్లో 433 వికెట్లు తీశాడు. కాగా, ఈ మ్యాచ్ తొలి ఇన్నింగ్స్లో హెరాత్ ఓ అరుదైన రికార్డుని తన ఖాతాలో వేసుకున్న సంగతి తెలిసిందే.
|
ఒకే వేదికపై 100 అంతకన్నా ఎక్కువ వికెట్లు
ఒకే వేదికపై 100 అంతకన్నా ఎక్కువ వికెట్లు తీసిన టెస్టు బౌలర్లలో మూడో బౌలర్గా నిలిచాడు. ఈ టెస్టు మ్యాచ్ ప్రారంభానికి ముందు గాలే స్టేడియంలో 99 వికెట్లు తీసిన రంగనా హెరాత్ ఇంగ్లాండ్ కెప్టెన్ జో రూట్ వికెట్ తీశాడు. ఇన్నింగ్స్ 17వ ఓవర్ వేసిన హెరాత్... జో రూట్ను క్లీన్ బౌల్డ్ చేశాడు. దీంతో గాలే స్టేడియంలో హెరాత్కు ఇది 100వ టెస్టు వికెట్ కావడం విశేషం. అంతకు ముందు టెస్టుల్లో కేవలం ఇద్దరు బౌలర్లు మాత్రమే ఈ ఘనత సాధించారు.
మురళీ ధరన్ తర్వాత హెరాతే
శ్రీలంక మాజీ స్పిన్ దిగ్గజం ముత్తయ్య మురళీధరన్, ఇంగ్లండ్ ఫాస్ట్ బౌలర్ జేమ్స్ ఆండర్సన్లు మాత్రమే అంతకు ముందు ఈ ఘనత సాధించారు. ముత్తయ్య మురళీధరన్ అయితే మూడు వేదికల్లో ఈ ఘనత సాధించాడు. సింహలీస్ స్పోర్ట్స్ క్లబ్ గ్రౌండ్, అసిగిరియ స్టేడియం, గాలే అంతర్జాతీయ స్టేడియంలలో మురళీధరన్ 100కు పైగా వికెట్లను తీయగా, జేమ్స్ ఆండర్సన్ లండన్లోని లార్డ్స్ క్రికెట్ గ్రౌండ్లో 100కు పైగా వికెట్లు తీశాడు.