అరుదైన ఘనత: ఒకే మ్యాచ్‌లో రెండు డబుల్ సెంచరీలు చేసిన పెరీరా

వందుకుపైగా పెరీరా స్ట్రైక్‌రేట్‌

జనవరి 31 నుంచి ఫిబ్రవరి 3 వరకు జరిగిన ఈ ఫస్ట్ క్లాస్ మ్యాచ్ తొలి ఇన్నింగ్స్‌లో పెరీరా 203 బంతులను ఎదుర్కొని 20 ఫోర్లు, 1 సిక్సర్‌ సాయంతో డబుల్‌ సెంచరీ సాధించాడు. ఇక్కడ అతని స్ట్రైక్‌రేట్‌ దాదాపు వంద ఉండటం విశేషం. ఇక, రెండో ఇన్నింగ్స్‌లో పెరీరా మరింత రెచ్చిపోయి ఆడాడు.

డ్రాగా ముగిసిన మ్యాచ్

రెండో ఇన్నింగ్స్‌లో 268 బంతుల్లో 20 ఫోర్లు, 3 సిక్సర్లతో 231 పరుగుల్ని నమోదు చేయడంతో నాండేస్రిప్ట్స్‌ జట్టు 6 వికెట్లకు 579 పరుగులు చేసింది. అయితే, ఈ మ్యాచ్ డ్రాగా ముగిసినా.. పెరీరా మాత్రం అరుదైన ఘనతను తన ఖాతాలో వేసుకున్నాడు.

2013లో అరంగేట్రం చేసిన పెరీరా

2013లో దక్షిణాఫ్రికాతో జరిగిన మ్యాచ్‌ ద్వారా వన్డేల్లో అరంగేట్రం చేసిన పెరీరా.. ఇప్పటివరకూ కేవలం నాలుగు వన్డేలు, రెండు టీ20లు మాత్రమే ఆడాడు. పెరీరా చివరగా ఆస్ట్రేలియాతో 2016లో జరిగిన సిరీస్‌లో లంక తరఫున కనిపించాడు. ఇక ఫస్ట్‌క్లాస్‌ కెరీర్‌లో 97 మ్యాచ్‌లు ఆడిన పెరీరా 18 సెంచరీలు, 33 హాఫ్‌ సెంచరీలతో 6,941 పరుగులు చేశాడు.