SRH vs MI: సన్‌రైజర్స్‌దే బ్యాటింగ్.. పహల్గామ్ ఉగ్రదాడి మృతులకు నివాళులు

SRH vs MI: ఐపీఎల్ 2025లో భాగంగా సన్‌రైజర్స్ హైదరాబాద్, ముంబై ఇండియన్స్ జట్ల మధ్య మ్యాచ్ జరుగుతోంది. ఈ మ్యాచ్ లో టాస్ గెలిచిన ముంబై జట్టు టాస్ గెలిచి ఫీల్డింగ్ ఎంచుకుంది. సన్‌రైజర్స్ హైదరాబాద్ జట్టు ముందుగా బ్యాటింగ్ చేయనుంది. పహల్గామ్ ఉగ్రదాడి బాధితులకు సంఘీభావంగా ఇరు జట్ల ఆటగాళ్లు , అంపైర్లు నల్ల బ్యాడ్జీలతో బరిలోకి దిగుతున్నారు. టాస్ సమయంలో ఇరుజట్ల కెప్టెన్లు పహల్గామ్ మృతులకు సంతాపం ప్రకటించారు. ఐపీఎల్‌లో ముంబై ఇండియన్స్ ఇప్పటివరకు సగటు ప్రయాణాన్ని కలిగి ఉంది. ఇప్పటివరకు ఆడిన 8 మ్యాచ్‌ల్లో ఆ జట్టు 4 గెలిచి, 4 మ్యాచ్‌ల్లో ఓడిపోయింది. హైదరాబాద్ పరిస్థితి దారుణంగా ఉంది. ఆ జట్టు ఆడిన 7 మ్యాచ్‌ల్లో కేవలం 2 మ్యాచ్‌ల్లో మాత్రమే గెలిచింది.

టాస్ గెలిచిన ముంబై ఇండియన్స్ జట్టు
ముంబై ఇండియన్స్ జట్టు టాస్ గెలిచి ముందుగా బౌలింగ్ చేయాలని నిర్ణయించుకుంది. ఆతిథ్య హైదరాబాద్ ముందుగా బ్యాటింగ్ కు దిగుతుంది. ముంబై జట్టు ఒక మార్పు చేసింది. అశ్విని కుమార్ స్థానంలో విఘ్నేష్ పుత్తూర్‌ను ప్లేయింగ్ 11లో చేర్చగా, హైదరాబాద్ నుంచి మహమ్మద్ షమీని తొలగించారు. మహ్మద్ షమీ స్థానంలో జయదేవ్ ఉనద్కట్‌కు అవకాశం లభించింది.

-
హార్దిక్ పాండ్యా ఏం చెప్పాడు?
టాస్ గెలిచిన తర్వాత పాండ్యా మాట్లాడుతూ..." ముందుగా ఉగ్రవాద దాడి బాధితులకు నా సంతాపాన్ని తెలియజేస్తున్నాను. మేము ఒక జట్టుగా, ఫ్రాంచైజీగా అలాంటి దాడులను ఖండిస్తున్నాము. ఈ రాత్రి మేము మొదట బౌలింగ్ చేస్తాము. ఇది మంచి ట్రాక్ లాగా కనిపిస్తోంది, మాకు ఒకే ఒక మార్పు - అశ్విని స్థానంలో విఘ్నేష్ వచ్చాడు. మా ప్రణాళికలను అమలు చేసి, ఆటను సాధ్యమైనంత సులభతరం చేయాలి, సరైన ప్రణాళిక కలిగి ఉండాలి."అని పాండ్యా అన్నాడు.

కమ్మిన్స్ కూడా విచారం వ్యక్తం
పహల్గామ్ ఉగ్రవాద దాడి గురించి ప్యాట్ కమ్మిన్స్ మాట్లాడుతూ.. "ఇది చాలా బాధాకరం అని, బాధితులు, వారి కుటుంబాలకు మా సానుభూతి తెలియజేస్తున్నామని అన్నారు.

తుది జట్లు ఇవే..
సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్(w), అనికేత్ వర్మ, పాట్ కమిన్స్(సి), హర్షల్ పటేల్, జయదేవ్ ఉనద్కత్, జీషన్ అన్సారీ, ఇషాన్ మలింగ.

ముంబై ఇండియన్స్ (ప్లేయింగ్ XI): ర్యాన్ రికెల్టన్ (వికెట్ కీపర్), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, జస్ప్రీత్ బుమ్రా, విఘ్నేష్ పుత్తూర్