గుండె పగిలింది: ప్రపంచ కప్ జట్టులోకి తీసుకోకపోవడంపై శ్రీశాంత్

న్యూఢిల్లీ: ప్రపంచ క్రికెట్ కప్ భారత జట్టులో తనకు చోటు దొరక్కపోవడంపై భారత ఫాస్ట్ బౌలర్ శ్రీశాంత్ తీవ్రంగా ప్రతిస్పందించారు. తన గుండె పగిలిందని ఆయన తన ట్విట్టర్‌లో రాసుకున్నాడు. అయితే తాను ఆందోళన చెందడం లేదని, సమయం తప్పకుండా తనకు కలిసి వస్తుందని ఆయన అన్నారు. తనకు దొరికిన స్వల్ప అవకాశాలను కూడా వాడుకుని క్రికెట్‌కు తన చేతనైనంత అందించానని, తనకు భగవంతుడిపై నమ్మకం ఉందని అతను అన్నాడు.

విశ్వాసం కోల్పోయినవారు సవాళ్లను ఎదుర్కోవడానికి భయపడతారని, తాను ఆత్మవిశ్వాసాన్ని కోల్పోనని, ఈ ఆటను తాను ప్రేమిస్తానని, తన శక్తి మేరకు కృషి చేస్తానని ఆయన అన్నారు. భారత్ ప్రపంచ కప్ గెలుస్తుందనే నమ్మకం తనకు ఉందని ఆయన అన్నారు.