సచిన్‌ను ఔట్ చేస్తా, క్రికెట్టే ప్రీతి: పరుగుల వీరుడు బ్లేక్

లండన్: తాను క్రికెట్ బాగా ఆడతానని, మాస్టర్ బ్లాస్టర్ సచిన్ టెండుల్కర్‌ను కూడా అవుట్ చేయగలనని, అంత బాగా తాను బౌలింగ్ చేయగలనని, బ్యాటింగ్ కూడా బాగా చేస్తానని పరుగుల వీరుడు యోహాన్ బ్లేక్ అన్నారు. బ్లేక్ ఒక స్ర్పింటర్‌గా.. ఉసెన్ బోల్ట్‌కు ప్రధాన ప్రత్యర్థి. అయితే ఈ జమైకా పరుగుల వీరుడు తన ఇష్టాయిష్టాలను బయట పెట్టాడు. తనకు క్రికెట్ అంటే చాలా ఇష్టమని చెప్పాడు.

అంతేకాదు తాన ఐపిఎల్‌లో ఆడాలనుకుంటున్నట్లు చెప్పాడు. తాను రన్నింగ్‌లో కంటే క్రికెట్లోనే మెరుగని స్వయంగా చెప్పాడు. భారత స్టార్ బౌలర్లు జహీర్ ఖాన్ తదితరుల కంటే వేగంగా బంతులు విసరగలనని చెప్పాడు. రన్నింగ్‌లో కంటే క్రికెట్లో మెరుగు అని నిరూపించుకోవాలని తాను తాపత్రయపడుతున్నట్లు చెప్పాడు. నేనో బౌలింగ్ యంత్రాన్ని అని రోజంతా బ్యాటింగ్ చేయగలనని చెప్పాడు.

నేను టి-20 బ్యాట్స్‌మన్‌ని అని, తనకు క్రికెట్ ఆడిన అనుభవం బాగా ఉందని, ప్రతి రోజు క్రికెట్ చూస్తానని చెప్పాడు. రన్నింగ్ శిక్షణలో ఉన్నప్పుడు కూడా క్రికెట్ ఆడుతుంటానని చెప్పాడు. తానేం చేయగలనో తనకు బాగా తెలుసునన్నారు. తాను గంటకు 93 మైళ్ల వేగంతో బౌల్ చేయగలనని చెప్పాడు. కావాలంటే తన బౌలింగ్ వీడియోలు చూసుకోవచ్చునని చెప్పాడు.