యూరో 2012: గోమెజ్ రెండు గోల్స్..నెదర్లాండ్స్ ఓటమి

ఖార్కివ్, జూన్ 14: యూరో 2012లో భాగంగా ఖార్కివ్‌లో నెదర్లాండ్స్ - జర్మనీల మధ్య జరిగిన మ్యాచ్‌లో నెదర్లాండ్స్ పై 2-1తేడాతో జర్మనీ గెలుపొందింది. మారియా గోమెజ్ అధ్బుతమైన ఆట తీరుతో ప్రదర్శించి రెండు గోల్స్‌ని సాధించాడు. క్వార్టర్స్ లోకి అడుగుపెట్టాలంటే తప్పక గెలవాల్సిన మ్యాచ్‌లో నెదర్లాండ్స్ ఓటమితో నాకౌట్ అవకాశాలను చేజార్చుకుంది. లీగ్ దశలో మొదట డెన్మార్క్‌తో జరిగిన మ్యాచ్‌లో 0-1తో ఓటమి చవిచూడడం.. ఇప్పుడు జర్మనీపై కూడా ఓడడంతో దాదాపుగా నెదర్లాండ్స్ యూరో 2012 టోర్నమెంట్ నుండి నిష్క్రమించనట్లేనని భావిస్తున్నారు.

యూరో 2012: నెదర్లాండ్స్ జట్టు

యూరో 2012: జర్మనీ జట్టు

ప్రపంచ కప్ ఫైనలిస్ట్ అయిన నెదర్లాండ్స్ ఆదివారం మెటాలిస్ట్ స్టేడియంలో పోర్చుగల్‌తో జరగనున్న మ్యాచ్‌లో గెలిచి.. ఆ తర్వాత అదే రోజు జర్మనీ వర్సెస్ డెన్మార్క్ మధ్య జరగనున్న మ్యాచ్‌లో జర్మనీ ఓడితే నాకౌట్‌ ఆడే ఎనిమిది జట్లలలో స్దానం సంపాదిస్తుందని పలువురి అంచనా. గ్రూప్ బి లో డెన్మార్క్ ని పోర్చుగల్ 3-2తో ఓడించడం వల్ల జర్మనీకి కావాల్సింది ఒకే ఒక్క పాయింట్. ఆ ఒక్క పాయింట్‌ గనుక జర్మనీ సాధిస్తే గ్రూప్ బి లో గ్రూప్ విన్నర్ అవడమే కాకుండా నాకౌట్‌కు అర్హత సాధిస్తుంది. గ్రూప్ బిలో నెదర్లాండ్స్, డెన్మార్క్, జర్మనీ, పోర్చుగల్ జట్లు ఉన్న విషయం తెలిసిందే.

UEFA యూరో 2012 రిజల్ట్స్ | యూరో 2012 గ్రూప్స్

యూరో 2012 జట్లు | యూరో 2012 మ్యాచ్‌లు

యూరో 2012: ఈరోజు జరుగు మ్యాచ్‌లు నియో స్పోర్ట్స్‌లో ప్రత్యక్ష ప్రసారం

రాత్రి 9.30 గంటలకు ఇటలీ వర్సెస్ క్రొయేషియా

రాత్రి 12.15 గంటలకు నుంచి స్పెయిన్ వర్సెస్ రిపబ్లిక్ ఆఫ్ ఐర్లాండ్

తెలుగు వన్ఇండియా