చేతులపై మోసుకెళ్లారు: అండర్ 19 ప్రపంచకప్‌లో వెల్లివిరిసిన క్రీడాస్ఫూర్తి (వీడియో)

దూకుడుగా ఆడే క్రమంలో

అయితే, దూకుడుగా ఆడే క్రమంలో కిర్క్ మెకెంజీ 99 పరుగుల వద్ద గాయపడటంతో రిటైర్డ్ హార్ట్‌గా వెనుదిరిగాడు. అనంతరం క్రీజులోకి వచ్చిన విండిస్ బ్యాట్స్‌మెన్‌ను కివీస్ బౌలర్లు పెవిలియన్‌కు చేర్చారు. ఆఖరి 5 వికెట్లను 22 పరుగుల వ్యవధిలో పెవిలియన్‌కు చేర్చారు. ఈ క్రమంలో చివరి 14 బంతులను ఎదుర్కొనేందుకు మరోసారి మెకెంజీ క్రీజులోకి వచ్చాడు.

ఎదుర్కొన్న తొలి బంతికే ఔట్

అయితే, తాను ఎదుర్కొన్న తొలి బంతికే ఔట్ కావడంతో 99 పరుగులు చేసినట్లైంది. మెకెంజీ వీరోచిత ఇన్నింగ్స్‌పై న్యూజిలాండ్‌ ఆటగాళ్లంతా అతడి వద్దకు వెళ్లి అభినందించారు. అయితే, ఔటైన తర్వాత పెవిలియన్‌కు వెళ్లే క్రమంలో అతడు నొప్పితో విలవిల్లాడుతూ నడవడానికి కూడా ఇబ్బంది పడ్డాడు.

రోహిత్ శర్మ అభినందన

దీనిని గమనించిన న్యూజిలాండ్ ఆటగాళ్లు జెస్సీ టాష్కాఫ్, జోయి ఫీల్డ్ అతడిని చేతులతో ఎత్తుకొని డ్రెస్సింగ్‌ రూమ్‌ వరకు మోసుకెళ్లి గొప్ప క్రీడాస్ఫూర్తిని ప్రదర్శించారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఈ వీడియోపై మాజీ క్రికెటర్లు వీవీఎస్‌ లక్ష్మణ్‌, మహ్మద్‌ కైఫ్‌లతో పాటు రోహిత్‌ శర్మలు అభినందించారు.