దక్షిణాఫ్రికా వన్డే సిరీస్‌కు జట్టును కొత్త కమిటీ ఎంపిక చేస్తుంది: గంగూలీ

IPL 2020 : Sourav Ganguly Says 'New Selection Committee Will Pick Squad For South Africa ODI Series'
Sourav Ganguly Says New Selection Panel Will Pick Indian Squad For South Africa ODIs

ముంబై: త్వరలో స్వదేశంలో దక్షిణాఫ్రికాతో జరిగే వన్డే సిరీస్‌కు కొత్త ఛైర్మన్‌తో కూడిన సెలక్షన్‌ కమిటీ భారత జట్టును ఎంపిక చేస్తుందని బీసీసీఐ అధ్యక్షుడు సౌరవ్ గంగూలీ తెలిపారు. మార్చి 29న ప్రారంభమయ్యే ఐపీఎల్ 13వ సీజన్‌ మ్యాచ్‌ల నిర్వహణపై సోమవారం ఐపీఎల్‌ పాలకవర్గం సమావేశం అయింది. ఈ సమావేశంలో ఐపీఎల్ పాలక మండలి సభ్యులతో పాటు గంగూలీ, బీసీసీఐ బోర్డు కార్యదర్శి జై షా కూడా పాల్గొన్నారు. దక్షిణాఫ్రికాతో వన్డే సిరీస్‌ కోసం భారత జట్టును కొత్త సెలెక్షన్‌ ప్యానెల్‌ ఎంపిక చేస్తుందని సమావేశం అనంతరం గంగూలీ స్పష్టం చేశారు.

చెలరేగిన మార్క్‌ వుడ్‌.. 191 పరుగులతో దక్షిణాఫ్రికా చిత్తు.. సిరీస్ ఇంగ్లండ్‌ కైవసం

దక్షిణాఫ్రికా సిరీస్‌కు కొత్త కమిటీ:

దక్షిణాఫ్రికా సిరీస్‌కు కొత్త కమిటీ:

సౌరవ్ గంగూలీ మాట్లాడుతూ... 'న్యూజిలాండ్‌తో టెస్టు సిరీస్‌కు ఎమ్మెస్కే ప్రసాద్‌ నేతృత్వంలోని పాత కమిటీ ఇప్పటికే తుది జట్టును ఎంపిక చేసింది. మార్చిలో దక్షిణాఫ్రికాతో స్వదేశంలో జరిగే మూడు వన్డేల సిరీస్‌కు కొత్త ఛైర్మన్‌తో కూడిన కమిటీ ఎంపిక చేస్తుంది' అని గంగూలీ స్పష్టం చేశారు. 'ఛైర్మన్‌ ఎమ్మెస్కే ప్రసాద్‌, గగన్‌ ఖోడా స్థానాలకు.. లక్ష్మణ్‌ శివరామకృష్ణన్‌, అజిత్‌ అగార్కర్‌, రాజేశ్‌ చౌహన్‌, వెంకటేశ్‌ ప్రసాద్ పోటీ పడుతున్నారు. త్వరలోనే కొత్త సభ్యులకు ముఖాముఖి నిర్వహిస్తాం' అని దాదా చెప్పారు.

గంభీర్‌కు నో ఛాన్స్‌:

గంభీర్‌కు నో ఛాన్స్‌:

క్రికెట్‌ సలహా కమిటీ (సీఏసీ)పై కూడా గంగూలీ స్పందించారు. 'గతంలో పేర్కొన్నట్లుగా మదన్‌ లాల్‌, సులక్షణ నాయక్‌ కొనసాగుతారు. అయితే గౌతమ్ గంభీర్‌ స్థానంలో కొత్త వారిని నియమిస్తాం. గంభీర్‌ ప్రస్తుతం తూర్పు ఢిల్లీకి ఎంపీగా కొనసాగుతున్న కారణంగా అతడికి పరస్పర విరుద్ధ ప్రయోజనాల అంశం ఆటంకంగా మారుతుందనే ఈ నిర్ణయం తీసుకున్నాం' అని దాదా తెలిపారు.

 పాండ్యా ఫిట్‌నెస్‌ సాధించలేదు:

పాండ్యా ఫిట్‌నెస్‌ సాధించలేదు:

'ఆల్‌రౌండర్‌ హర్దిక్‌ పాండ్యా పునరాగమనం ఆలస్యం కావొచ్చు. శస్త్ర చికిత్స తర్వాత పాండ్యా ఇంకా పూర్తిస్థాయి ఫిట్‌నెస్‌ సాధించలేదు. పాండ్యా ఇప్పుడే అంతర్జాతీయ క్రికెట్‌ ఆడలేడు. అతడికి తగినంత సమయం అవసరం. త్వరగా కోలుకుంటాడని ఆశిస్తున్నా' అని మాజీ కెప్టెన్ ధీమా వ్యక్తం చేసారు. ఈ ఏడాది మార్చి 29 నుంచి మే 24 వరకు జరిగే ఐపీఎల్‌ టోర్నీలో ఎప్పటిలాగే రాత్రి మ్యాచ్‌లు 8 గంటల నుంచే ప్రారంభమవుతాయని సౌరవ్‌ చెప్పారు.

ముంబైలో ఫైనల్‌:

ముంబైలో ఫైనల్‌:

మే 24న ముంబైలో ఫైనల్‌ నిర్వహించాలని సోమవారం జరిగిన ఐపీఎల్‌ పాలకమండలి సమావేశంలో నిర్ణయం తీసుకున్నారు. ఇక నుంచి నోబాల్‌ నిర్ణయాన్ని మూడో అంపైర్‌ తీసుకోనుండగా, గాయపడిన ఆటగాడి స్థానంలో కంకషన్‌ సబ్‌స్టిట్యూట్‌ను తొలిసారి ప్రవేశపెట్టారు. విరాళాల సేకరణ కోసం లీగ్‌ ఆరంభానికి ముందే ఐపీఎల్‌ ఆల్‌ స్టార్స్‌ మ్యాచ్‌ను నిర్వహించనున్నారు.

For Quick Alerts
ALLOW NOTIFICATIONS
For Daily Alerts
Story first published: Tuesday, January 28, 2020, 9:40 [IST]
Other articles published on Jan 28, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more