Click it and Unblock the Notifications
దిమ్మతిరిగే కౌంటర్‌:
భారత్‌తో యుద్ధం వచ్చే అవకాశాలున్నాయని కూడా ఇమ్రాన్‌ఖాన్‌ పరోక్షంగా వ్యాఖ్యానించారు. ఐక్యరాజ్య సమితిలో ఇమ్రాన్ ఖాన్ ప్రసంగంపై ఓ అమెరికన్ ఛానల్‌ స్పష్టత తీసుకునే క్రమంలో ఆయన ఏదో తప్పుగా మాట్లాడారు. ఈ వీడియోని తన ట్విట్టర్‌లో షేర్ చేసిన మాజీ ఓపెనర్‌ వీరేంద్ర సెహ్వాగ్ తనదైన శైలిలో కామెంట్ పెట్టాడు. సెహ్వాగ్ తన ట్విట్టర్‌లో ఆ యాంకర్ ఏమన్నాడో ఆ వ్యాఖ్యలను నేరుగా ట్వీట్టర్‌లో పోస్టు చేశాడు. తనను తాను కించపరుచుకునేందుకు కొత్త మార్గాలు కనిపెట్టారంటూ ట్విటర్‌లో సెహ్వాగ్ పేర్కొన్నాడు.
అదొక చెత్త స్పీచ్‌:
తాజాగా సౌరవ్ గంగూలీ కూడా ఇమ్రాన్ ఖాన్‌కు దిమ్మతిరిగే కౌంటర్‌ ఇచ్చాడు. 'వీరూ.. ఆ వీడియోను చూసి షాక్‌ గురయ్యా. అది వినకూడని ప్రసంగం. ప్రపంచం మొత్తం శాంతిని కోరుకుంటుంటే.. పాకిస్తాన్‌ మాత్రం వేరే ఆలోచిస్తోంది. 'శాంతి' పాకిస్తాన్‌కు చాలా అవసరం. ఒక దేశానికి ప్రధానిగా ఉన్న ఇమ్రాన్ ఇలా మాట్లాడడం సబబు కాదు. అదొక చెత్త స్పీచ్‌. ఇప్పుడు ఇమ్రాన్ ఒక క్రికెటర్‌గానే ప్రపంచానికి తెలియలేదు.. ఐక్యరాజ్యసమితిలో చెత్త ప్రసంగం చేసి కూడా తెలిసారు' అని గంగూలీ ట్వీట్ చేసాడు.
పెద్ద ఎత్తున విమర్శలు:
గత నెల 26 జరిగిన ఐక్యరాజ్య సమితి సాధారణ సభ 74వ సమావేశాల్లో ఇమ్రాన్‌ఖాన్‌ మాట్లాడాడు. భారత్‌తో యుద్ధం వచ్చే అవకాశాలున్నాయని పరోక్షంగా వ్యాఖ్యలు చేశారు. ప్రస్తుతం ఈ వ్యాఖ్యలపై పెద్ద ఎత్తున విమర్శలు వస్తున్నాయి. ఒక దేశానికి ప్రధానిగా ఉన్న ఇమ్రాన్ ఇలా మాట్లాడడం భావ్యం కాదని అందరూ అంటున్నారు. ఈ వివాదం ఎక్కడికి వెళుతుందో చూడాలి.
