Sourav Ganguly Birthday Special: కెప్టెన్‌గానే కాదు.. కెరీర్‌లను తీర్చిదిద్దిన దాదా!

Sourav Ganguly Birthday Special: భారత క్రికెట్ చరిత్రలో అత్యంత విజయవంతమైన కెప్టెన్లలో, గొప్ప ఆటగాళ్లలో ఒకరిగా సౌరవ్ గంగూలీని పరిగణిస్తారు. నేడు సౌరవ్ గంగూలీ తన 53వ పుట్టినరోజును జరుపుకుంటున్నారు. 1992లో భారత్ తరఫున అరంగేట్రం చేసిన గంగూలీ.. తన దూకుడు బ్యాటింగ్‌కు ప్రసిద్ధి చెందాడు. కెప్టెన్‌గా భారత్ కోసం నిర్భయంగా ఆడటం, విజయాలు సాధించడం నేర్పిన ఘనత దాదాదే. జట్టు పగ్గాలు చేపట్టిన తర్వాత సౌరవ్ గంగూలీ అనేక మంది ఆటగాళ్లకు ముందుకు రావడానికి అవకాశం కల్పించాడు. కెప్టెన్ సౌరవ్ గంగూలీ కెరీర్‌ను నిర్మించిన 10 మంది గొప్ప ఆటగాళ్ల గురించి తెలుసుకుందాం.

సౌరవ్ గంగూలీ కెప్టెన్సీలో ప్రోత్సహించిన 10 మంది ప్రముఖ ఆటగాళ్లు వీరే..
1.యువరాజ్ సింగ్
యువరాజ్ సింగ్‌ను భారత క్రికెట్ చరిత్రలో గొప్ప ఆటగాళ్లలో ఒకరిగా పరిగణించవచ్చు. 2000 సంవత్సరంలో గంగూలీ కెప్టెన్సీలో యువరాజ్ సింగ్ అరంగేట్రం చేశాడు. కానీ యువరాజ్ ప్రారంభం అంత గొప్పగా లేదు. యువరాజ్ విఫలమవుతున్నప్పటికీ గంగూలీ అతనికి మద్దతునిచ్చి ప్రోత్సహించాడు. దీని ఫలితంగా భారత జట్టుకు లాభం చేకూరింది. 2007 టీ20 ప్రపంచ కప్, 2011 వన్డే ప్రపంచ కప్‌ను భారత్ గెలవడంలో యువరాజ్ సింగ్ కీలక పాత్ర పోషించాడు.

2. వీరేంద్ర సెహ్వాగ్
వీరేంద్ర సెహ్వాగ్ ఎప్పుడూ తన దూకుడు బ్యాటింగ్‌కు ప్రసిద్ధి చెందాడు. వీరేంద్ర సెహ్వాగ్ 1999లో అంతర్జాతీయ క్రికెట్‌లో అరంగేట్రం చేశాడు. వీరేంద్ర సెహ్వాగ్ విజయంలో సౌరవ్ గంగూలీ కీలక పాత్ర పోషించాడు. వీరేంద్ర సెహ్వాగ్ మిడిల్ ఆర్డర్ ఆటగాడిగా ప్రారంభించినప్పటికీ గంగూలీ అతడిని ఓపెనింగ్ చేయమని కోరాడు. ఇక్కడి నుంచి సెహ్వాగ్ కెరీర్ మారిపోయింది. సెహ్వాగ్ ఇప్పుడు గొప్ప ఓపెనింగ్ బ్యాటర్లలో ఒకరిగా పరిగణించబడుతున్నాడు. సెహ్వాగ్ టెస్ట్, వన్డే ఫార్మాట్లలో 8 వేల కంటే ఎక్కువ పరుగులు చేశాడు.

3.జహీర్ ఖాన్
జహార్ ఖాన్ భారత క్రికెట్ జట్టు చరిత్రలో అత్యంత విజయవంతమైన ఎడమ చేతి వాటం ఫాస్ట్ బౌలర్. జహీర్ ఖాన్‌ను జట్టులోకి తీసుకోవడంలో సౌరవ్ గంగూలీ కీలక పాత్ర పోషించి అతడికి అవకాశాలు ఇచ్చాడు. జహీర్ ఖాన్ అద్భుతమైన ప్రదర్శన చేసి భారత్ తరఫున మొత్తం 610 వికెట్లు పడగొట్టాడు. గంగూలీ జహీర్ ఖాన్‌ను విశ్వసించకపోతే ఇంత పేరు ప్రఖ్యాతలను సంపాదించుకోలేకపోయేవాడు.

4. ఎంఎస్ ధోని
ఎంఎస్ ధోని దేశంలోనే అత్యంత విజయవంతమైన వికెట్ కీపర్, కెప్టెన్లలో ఒకడు. ధోని కూడా తన కెరీర్‌ను సౌరవ్ గంగూలీ నాయకత్వంలో ప్రారంభించాడు. ధోని గంగూలీ కెప్టెన్సీలో ఎక్కువ మ్యాచ్‌లు ఆడకపోయినప్పటికీ..దాదా అతనికి అవకాశం ఇచ్చి అతడి దూకుడు శైలిని విశ్వసించాడు. ఈ కారణంగానే భారత జట్టుకు ధోని లాంటి గొప్ప ఆటగాడు లభించాడు.

5.హర్భజన్ సింగ్
హర్భజన్ సింగ్ విజయంలో సౌరవ్ గంగూలీకి కీలక పాత్ర ఉంది. సౌరవ్ గంగూలీ కెప్టెన్సీలో హర్భజన్ అరంగేట్రం చేయకపోయినప్పటికీ 2001లో అనిల్ కుంబ్లే గాయపడినప్పడు.. దాదా అతనికి ఆస్ట్రేలియాకు వ్యతిరేకంగా ప్రధాన స్పిన్నర్ పాత్రను అప్పగించాడు. హర్భజన్ సింగ్ ఆ సిరీస్‌లో 32 వికెట్లు తీశాడు. అప్పటి నుంచి హర్భజన్ కెరీర్ పూర్తిగా మారిపోయింది. తన కెరీర్‌లో గంగూలీ 711 వికెట్లు తీసి అత్యంత విజయవంతమైన భారత స్పిన్నర్లలో ఒకరిగా నిలిచాడు.

6.మహ్మద్ కైఫ్
మహ్మద్ కైఫ్ 2002లో తన వన్డే అంతర్జాతీయ అరంగేట్రం చేశాడు. ఆ సమయంలో భారత జట్టులో మార్పుల పర్వం నడుస్తోంది. సౌరవ్ గంగూలీ కైఫ్‌కు అవకాశాలు ఇచ్చాడు. మహ్మద్ కైఫ్ విజయంలో దాదాకు కీలక పాత్ర ఉంది. గంగూలీ నాయకత్వంలోనే మహ్మద్ కైఫ్ 2002 నెట్‌వెస్ట్ సిరీస్‌లో యువరాజ్ సింగ్‌తో అద్భుతమైన భాగస్వామ్యాన్ని నెలకొల్పి మ్యాచ్ గెలిచే ఇన్నింగ్స్ ఆడాడు.

7.ఇర్ఫాన్ ఇఠాన్
ఇర్ఫాన్ ఇఠాన్ 2003లో సౌరవ్ గంగూలీ కెప్టెన్సీలో అరంగేట్రం చేశాడు. సౌరవ్ గంగూలీ కేవలం 19 సంవత్సరాల వయస్సులో ఇర్ఫాన్ పఠాన్‌కు జట్టులో చోటు కల్పించి నిరంతరం మద్దతు ఇచ్చాడు. సౌరవ్ గంగూలీ బౌలర్‌గా జట్టులోకి వచ్చినప్పటికీ పఠాన్ బ్యాటింగ్‌ను మెరుగుపరచడంలో గంగూలీ కీలక పాత్ర పోషించాడు. ఇర్ఫాన్ పఠాన్ తన అంతర్జాతీయ కెరీర్‌లో 301 వికెట్లు తీసి.. బ్యాట్‌తో మూడు ఫార్మాట్లలో మొత్తం 2821 పరుగులు చేశాడు.

8.ఆశిష్ నెహ్రా
ఆశిష్ నెహ్రా సౌరవ్ గంగూలీ కెప్టెన్సీలో అద్భుతమైన ప్రదర్శన చేశాడు. సౌరవ్ గంగూలీ ఎప్పుడూ ఆశిష్ నెహ్రాకు మద్దతు ఇచ్చి ఆడే అవకాశాలు కల్పించాడు. ఆశిష్ తన వేగవంతమైన బౌలింగ్‌తో 2003 ప్రపంచ కప్‌లో ఇంగ్లాండ్‌పై 6 వికెట్లు తీశాడు. ఆశిష్ నెహ్రా భారత్ తరఫున ఆడి మొత్తం 235 వికెట్లు పడగొట్టాడు.

9. దినేష్ కార్తీక్:
దినేష్ కార్తీక్‌ను భారత జట్టులోకి తీసుకురావడంలో సౌరవ్ గంగూలీ కీలక పాత్ర పోషించాడు. కేవలం 19 సంవత్సరాల వయస్సులోనే దినేష్‌కు దాదా 2004లో భారత జట్టులో చోటు కల్పించాడు. దినేష్ కార్తీక్ అదే సంవత్సరంలో తన వన్డే, టెస్ట్ అరంగేట్రం చేశాడు. గంగూలీ చాలా చిన్న వయస్సులోనే కార్తీక్‌కు అవకాశం ఇచ్చి తన నమ్మకాన్ని ప్రదర్శించాడు. కార్తీక్ ఐపీఎల్‌లో అత్యంత విజయవంతమైన క్రికెటర్‌లలో ఒకరిగా ఎదిగాడు.

10. ఆర్పీ సింగ్
ఆర్పీ సింగ్ 2005లో సౌరవ్ గంగూలీ కెప్టెన్సీలో భారత్ తరఫున అరంగేట్రం చేశాడు. ఆర్పీ సింగ్ ఎక్కువ కాలం గంగూలీ కెప్టెన్సీలో ఆడకపోయినప్పటికీ ఆర్సీ సింగ్ కెరీర్ ప్రారంభంలో సౌరవ్ గంగూలీ కీలక పాత్ర పోషించాడు. సౌరవ్ గంగూలీ 19 ఏళ్ల ఆర్పీ సింగ్‌పై నమ్మకం ఉంచి అవకాశం కల్పించడంతో జట్టు ప్రయోజనం చేకూరింది. ఆర్పీ సింగ్ భారత్ తరఫున ఆడి 124 వికెట్లు పడగొట్టగలిగాడు.