Click it and Unblock the Notifications
అభిమానులు సంతోషం
సోనూ నిగమ్తో కలిసి సచిన్ పాట పాడటంతో అభిమానులు సంతోషం వ్యక్తం చేస్తున్నారు. సచిన్ వీడియోని చూసిన వారంతా అభినందిస్తున్నారు. సచిన్పై ట్వీట్లతో ప్రశంసల వర్షం కురిపిస్తున్నారు. ఇదిలా ఉంటే సచిన్ టెండూల్కర్ క్రికెట్ కెరీర్లో నిలిచిపోయిన 2011 ప్రపంచకప్ విజయాన్ని ఆధారంగా చేసుకుని ‘లిటిల్ మాస్టర్' అనే డాక్యుమెంటరీ తయారైంది.
ఏప్రిల్ 23న సోనీ ఈఎస్పీఎన్ చానెల్లో ప్రసారం
దీనిని ఏప్రిల్ 23న సోనీ ఈఎస్పీఎన్ చానెల్లో ప్రసారం చేయనున్నారు. సచిన్ టెండూల్కర్ 44వ పుట్టినరోజుని పురస్కరించుకుని దీనిని రూపొందించారు. భారత జట్టుకు సుదీర్ఘ కాలం సేవలందించిన సచిన్కు ప్రపంచకప్తో వీడ్కోలు పలికేముందు ఆటగాళ్లు భావోద్వేగానికి గురైన తీరుని అభిమానులకు ఇందులో చూపించనున్నారు.
సచిన్తో గడిపే అవకాశం వచ్చింది
‘భారతలో సచిన్ను ఆరాధించే అభిమానులు ఒక గొప్ప స్టోరీని గుర్తు చేసుకుని పండుగ చేసుకుంటారు. నేను చాలా అదృష్టవంతున్ని. కొంత సమయం సచిన్తో గడిపే అవకాశం వచ్చింది. 2011 వరల్డ్ కప్ జట్టులో సచిన్తో కలిసి పయనించిన తీరును సహచర ఆటగాళ్లు వివరించారు' ఈ డాక్యుమెంటరీని రూపొందించిన గౌతమ్ చోప్రా తెలిపాడు.
1989లో అంతర్జాతీయ క్రికెట్లోకి అరంగేట్రం
1989లో పాకిస్థాన్తో జరిగిన మ్యాచ్లో సచిన్ టెండూల్కర్ అంతర్జాతీయ క్రికెట్లోకి అరంగేట్రం చేశాడు. తన క్రికెట్ కెరీర్లో మొత్తం వంద సెంచరీలను సాధించాడు. 1989 నుంచి 2013 వరకు 200 టెస్టులాడిన సచిన్ టెండూల్కర్ ప్రపంచ క్రికెట్లో ఎన్నో రికార్డులను నమోదు చేశాడు.
Continue with Google