హైదరాబాద్: భారత స్టార్ షట్లర్లు పీవీ సింధు, కిదాంబి శ్రీకాంత్ ఇండోనేసియా మాస్టర్స్ బ్యాడ్మింటన్ టోర్నీ క్వార్టర్స్లోకి ప్రవేశించారు. గురువారం జరిగిన ప్రిక్వార్టర్స్లో భాగంగా మహిళల సింగిల్స్లో రెండో సీడ్ సింధు 23-21, 21-7 తేడాతో గ్రెగోరియా మరిస్కా (ఇండోనేసియా)పై విజయం సాధించింది.
పీవీ సింధు తొలి గేమ్ను పోరాడి గెలవగా, రెండో గేమ్లో సునాయాసంగా విజయం సాధించింది. కేవలం 37 నిమిషాల పాటు జరిగిన ఈ పోరులో సింధు తన అనుభవాన్ని ఉపయోగించి మ్యాచ్ని సొంతం చేసుకుంది. క్వార్టర్స్లో పీవీ సింధు స్పెయిన్కు చెందిన కరోలినా మారిన్తో తలపడే అవకాశం ఉంది.
#PVSindhu advances to #IndonesiaMasters quarterfinal after clinching straight-game triumph over Gregoria Mariska Tunjung today. pic.twitter.com/EI0DacrKVo
— All India Radio News (@airnewsalerts) January 24, 2019
ఇక, పురుషుల సింగిల్స్ ప్రిక్వార్టర్ పోరులో ఎనిమిదో సీడ్ శ్రీకాంత్ 21-14, 21-9 తేడాతో కెంటో నిషిమోటో (జపాన్)పై విజయం సాధించి క్వార్టర్స్లోకి అడుగుపెట్టాడు. ఈ పోరులో కిదాంబి శ్రీకాంత్ ఏకపక్షంగా విజయం సాధించాడు. తొలి గేమ్ను 21-14తో గెలిచిన శ్రీకాంత్.. రెండో గేమ్ 21-9తేడాతో సొంతం చేసుకున్నాడు.
8th seeded Srikant Kidambi defeated Japan's K Nishimoto in straight games easily 21-14,21-9 & entered quarter finals of 2019 Indonesia Masters Badminton & will now meet winners of tie between J Christie of Indonesia & 2nd seeded Shi YQ of China in quarter-finals .Congrats. pic.twitter.com/5r1UESJDa8
— Naresh Kumar (@NareshK47800250) January 24, 2019