'ఆ విషయం చెప్తే కోహ్లీ, యువరాజ్‌లు నవ్వాపుకోలేదు'(వీడియో)

Shoaib Malik recalls moment when Virat, Yuvraj and him laughed while discussing funny dropped catch

న్యూ ఢిల్లీ: బౌండరీల దగ్గర క్యాచ్‌లు పట్టడం.. క్షణాల్లో స్టంపౌట్‌లు అవుట్ చేయడం వంటి అరుదైన ఘటనలు అంతర్జాతీయ మ్యాచ్‌లలో దర్శనమిస్తాయి. అలాంటిదే ఓ ఘటన.. ఛాంపియన్ ట్రోఫీ-2017లో చోటు చేసుకుంది. ఛాంపియన్ ట్రోఫీ ఫైనల్‌ అనంతరం బహుమతి ప్రధానోత్సవంలో టీమిండియా- పాకిస్తాన్‌ ఆటగాళ్లు నవ్వులు చిందించుకున్న విషయం తెలిసిందే.

క్రిస్‌ గేల్‌ ఇచ్చిన క్యాచ్‌ను

ఘోర ఓటమి అనంతరం ఏ మాత్రం బాధ లేకుండా టీమిండియా ఆటగాళ్లు నవ్వుకోవడం పట్ల అభిమానులు ఒకింత ఆగ్రహానికి గురయ్యారు. ఆ నవ్వుల వెనకాల గల కారణాలను పాకిస్తాన్‌ ఆల్‌రౌండర్‌ షోయాబ్‌ మాలిక్‌ వివరించాడు. ఇటీవల స్థానిక చానల్‌కు ఇచ్చిన ఇంటర్వ్యూలో మాలిక్‌ ఆనాటి విషయాలను నెమరువేసుకున్నాడు. ఓ మ్యాచ్‌ సందర్భంగా క్రిస్‌ గేల్‌ ఇచ్చిన క్యాచ్‌ను స్పిన్నర్‌ సయీద్‌ ఆజ్మల్‌, మాలిక్‌లు ఫన్నీగా డ్రాప్‌ చేశారు.

ఆజ్మల్‌ అందుకుంటాడని ఆశిస్తే..

చాంపియన్‌ ట్రోఫిలో విండీస్‌తో మ్యాచ్‌ సందర్భంగా క్రిస్‌ గేల్‌ ఇచ్చిన సునాయస క్యాచ్‌ను అందుకునేందుకు అజ్మల్‌, మాలిక్‌లు ప్రయత్నించారు. అయితే మాలిక్‌ అందుకుంటాడని ఆజ్మల్‌ అందుకుంటాడని మాలిక్‌లు చివరి క్షణంలో క్యాచ్‌ను వదిలేశారు. అయితే క్యాచ్‌ డ్రాప్‌ అనంతరం ఆజ్మల్‌తో మాలిక్‌.. ఇలా మాట్లాడాడు.

పొజీషన్‌ ఎందుకు ఛేంజ్‌ అయ్యావ్:

‘నువ్వు నీ స్థానంలో ఉంటే క్యాచ్‌ను సులభంగా అందుకునే వాడివి కదా.. పొజీషన్‌ ఎందుకు ఛేంజ్‌ అయ్యావు?. అప్పుడు ఆజ్మల్‌ సమాధానమిస్తూ నువ్వు క్యాచ్‌ మిస్‌ చేస్తే బంతి నేలపై పడకుండా త్వరగా అందుకుందామని అనుకున్నాను' అంటూ ఆజ్మల్‌ ఫన్నీగా సమాధానమిచ్చాడని మాలిక్‌ వివరించాడు.

యువరాజ్‌, కోహ్లిలకు చెబితే నవ్వారని

ఇదే విషయాన్ని టీమిండియాతో జరిగిన ఫైనల్‌ మ్యాచ్‌ అనంతరం యువరాజ్‌ సింగ్, విరాట్‌ కోహ్లిలకు చెబితే తెగ నవ్వారని ఆనాటి సంఘటనను వివరించాడు. అయితే పాకిస్తాన్‌తో జరిగిన చాంపియన్‌ ట్రోఫీ పైనల్‌లో టీమిండియా 180 పరుగుల తేడాతో ఘోర ఓటమి చవిచూసిన విషయం తెలిసిందే.