Click it and Unblock the Notifications
విలియంగా కాదు విలన్గా మారాలి
'సన్రైజర్స్ హైదరాబాద్ కెప్టెన్ కేన్ విలియమ్సన్ ఇకనైనా బ్యాటింగ్లో దూకుడు ప్రదర్శించాలి. బ్యాటింగ్ ఆర్డర్లో కేన్ తన స్థానాన్ని మార్చుకోవాల్సిన అవసరం లేదు. ఓపెనర్గానే దిగి తన బ్యాటింగ్ పవర్ చూపించాలి. కేన్ విలియం అనే పేరు మర్చిపోయి విలన్గా మారి బ్యాట్తో దండెత్తాలి. అతను దూకుడుగా స్కోర్ చేయాలి.. లేకపోతే జట్టు ఇబ్బందుల్లో పడుతుంది. టీ20 ఫార్మాట్లో ఓపెనర్లకు స్కోర్ చేయడానికి మంచి అవకాశం ఉంటుంది.' అని అక్తర్ విలియమ్సన్ కు సూచనలు చేశాడు.
మైనస్లో విలియమ్సన్ మ్యాచ్ ఇంపాక్ట్
ఈ ఐపీఎల్ సీజన్లో కేన్ విలియమ్సన్ మ్యాచ్ ఇంపాక్ట్ విలువ మైనస్లో ఉంది. ఈ టోర్నీలో ఏ ప్లేయర్కు లేనంత తక్కువగా విలియమ్సన్ ఇంపాక్ట్ విలువ ఉండడం సన్ రైజర్స్ను కలవరపరుస్తుంది. అతని ఇంపాక్ట్ విలువ -85గా ఉంది. అంటే అసలు మ్యాచ్ విషయంలో అతను ఎలాంటి తన మార్క్ చూపించలేకపోతున్నాడన్న మాట. ఇది ఓ కెప్టెన్గా విలియమ్సన్ ఎదుర్కొంటున్న చెత్త విషయమనే చెప్పాలి.
పూరన్ మంచి షాట్లు ఆడగలడు
ఇక అక్తర్ సన్ రైజర్స్ మరో ప్లేయర్ నికోలస్ పూరన్ గురించి మాట్లాడుతూ.. పూరన్ స్ట్రైక్ రేట్ అద్భుతంగా ఉంది. అతను చాలా మంచి షాట్లను ఆడగలడు. అతను త్వరగా స్కోర్ చేయడమే కాకుండా ఆటపై మంచి అవగాహన కూడా కలిగి ఉంటాడని పేర్కొన్నాడు. అలాగే నటరాజన్ గురించి మాట్లాడుతూ.. నటరాజన్ మంచి ప్రతిభావంతుడని, అతను జట్టుకు ఒక ఆస్తి కాగలడని, రాబోయే రోజుల్లో అతని నుంచి మరింత మంచి ప్రదర్శన చూడాలనుకుంటున్నా అని పేర్కొన్నాడు. ఇక భువనేశ్వర్ గురించి మాట్లాడుతూ.. భువీ చాలా తెలివైన బౌలర్ అని పేర్కొన్నాడు.
ఇక సన్ రైజర్స్ నేడు ఆర్సీబీతో తలపడుతుంది. ఇక ఇప్పటివరకు 10 మ్యాచ్లలో ఐదు విజయాలతో పాయింట్ల పట్టికలో ఆరోస్థానంలో సన్ రైజర్స్ కొనసాగుతుంది. ప్లే ఆఫ్ రేసులో ముందుకెళ్లాలంటే నేడు ఆర్సీబీతో జరిగే మ్యాచ్లో కేన్ సేన తప్పకుండా గెలవాల్సిన అవసరముంది.
Continue with Google