నా హ్యాండోవర్లో ఉండదు కదా
'నిజాయితీగా నన్ను ఎందుకు టీ20 టీంలోకి తీసుకోరో నాకు తెలియదు. బహుశా వాళ్ల దగ్గర ఏదైనా కారణం ఉండొచ్చు. అయినా నేను దాని గురించి లోతుగా ఆలోచించి బుర్ర పాడు చేసుకోవాలనుకోవడం లేదు. నేను చాలా కాలంగా భారత జట్టు టీ20 ఫార్మాట్లో ఆడలేదు.. నన్ను ఏ ఫార్మాట్లో ఎంపిక చేస్తారో కూడా నాకు తెలియదు.
నాకు లభించిన ప్రతి అవకాశాన్ని సద్వినియోగం చేసుకోవడమే నా పని. అది ఐపీఎల్ అయినా.. దేశవాళీ క్రికెట్ అయినా లేదా టీమిండియా వన్డే జట్టు అయినా. చోటు దక్కినప్పుడు నేను బాగా రాణించాలనుకుంటా. అదొక్కటే నా చేతుల్లో ఉంది. మిగతదంతా నా హ్యాండోవర్లో ఉండదు కదా' అని ధావన్ పేర్కొన్నట్లు ది ఇండియన్ ఎక్స్ప్రెస్ పేర్కొంది.
ఒక్కసారి పుంజుకుంటే అడ్డే ఉండదు
వన్డే క్రికెట్లో అతని ప్రదర్శన, అలాగే వన్డే ఫార్మాట్ భవిష్యత్తు గురించి అతని వ్యూ గురించి అడిగిన ప్రశ్నకు ధావన్ స్పష్టమైన సమాధానాలిచ్చాడు. 50ఓవర్ల ఫార్మాట్ ఆటను ఇష్టపడుతున్నట్లు చెప్పాడు. 'నాకు వన్డే క్రికెట్ ఆడటం చాలా ఇష్టం. ఇది ఒక కళాత్మక ఫార్మాట్. టెస్టు, టీ20లకు వాటి విలువలున్నట్లే, వన్డే క్రికెట్ కూడా దానికంటూ ఓ ప్రత్యేక విలువ ఉంది. ఇది ఎంతో ఉత్తేజకరమైనది.
నాకు ఈ ఫార్మాట్ చాలా ఇష్టం' అని ధావన్ చెప్పాడు. విరాట్ కోహ్లీ గురించి.. అతని ఫామ్ గురించి అడిగినప్పుడు ధావన్ స్పందిస్తూ.. తిరిగి పుంజుకోవడానికి విరాట్ కేవలం ఒక ఇన్నింగ్స్ దూరంలో ఉన్నాడు. త్వరలోనే అతను పుంజుకుంటాడని ఆ తర్వాత అతడికి అడ్డుఅదుపు ఉండదని ధావన్ చెప్పాడు.
ఎవరికి వారే సెపరేటు..
రవిశాస్త్రి, రాహుల్ ద్రావిడ్ ప్రధాన కోచ్లుగా వ్యవహరించిన టైంలో అతను టీమిండియాలో భాగంగా ఉంటున్నాడు. వీరిద్దరి మధ్య తేడా ఏమిటని ప్రశ్నించగా.. ఇద్దరి ఎనర్జీ పూర్తిగా భిన్నమైనదని ధావన్ చెప్పాడు. వీరిద్దరు ఎవరికి వారు సెపరేటు శైలి, యుక్తి కనబర్చుతారని చెప్పాడు.
రవి భాయ్ ఉంటే జట్టు వాతావరణం ఒకలా ఉంటుంది.. రాహుల్ భాయ్ ఉంటే మరోలా ఉంటుంది. నాకు రవి భాయ్తో గొప్ప అనుబంధం ఉంది. రాహుల్ భాయ్తో కూడా నా కెమిస్ట్రీ బానే ఉంది.. అతనితో కలిసి పనిచేయడం పట్ల సంతోషంగా ఉన్నాను అంటూ ధావన్ చెప్పాడు.