దుర్యోధనుడిగా శిఖర్ ధావన్, శకునిగా చాహల్.. సోషల్ మీడియాలో రచ్చ!(వీడియో)

Shikhar Dhawan and Yuzvendra Chahal Viral Video: క్రికెట్‌లో తమదైన ముద్ర వేసిన శిఖర్ ధావన్, యుజ్వేంద్ర చాహల్ ఇప్పుడు సోషల్ మీడియాలో కూడా సంచలనం సృష్టిస్తున్నారు. వారిద్దరి అల్లరి, అద్భుతమైన కామెడీ టైమింగ్ మరోసారి అభిమానుల ముఖాలపై చిరునవ్వులు పూయించాయి. ఇటీవల శిఖర్ ధావన్ తన ఇన్‌స్టాగ్రామ్ ఖాతాలో ఒక వీడియోను పంచుకున్నారు, అందులో శిఖర్ ధావన్, యుజ్వేంద్ర చాహల్ మహాభారతంలోని రెండు ప్రసిద్ధ పాత్రలను పోషిస్తూ కనిపించారు.

దుర్యోధనుడిగా శిఖర్ ధావన్, శకుని మామగా యుజ్వేంద్ర చాహల్
ఈ వీడియోలో శిఖర్ ధావన్ దుర్యోధనుడిగా, యుజ్వేంద్ర చాహల్ శకుని మామగా నటించారు. ఇద్దరూ మహాభారతంలోని ఒక ఐకానిక్ డైలాగ్‌పై అద్భుతమైన అభినయం ప్రదర్శించారు. ఇద్దరు ఆటగాళ్ల సాంప్రదాయ రాజ వస్త్రధారణ, హావభావాలు చాలా శక్తివంతంగా ఉన్నాయి. దీనికి సంబంధించిన ఈ వీడియో సోషల్ మీడియాలో వైరల్‌గా మారింది.

సోషల్ మీడియాలో సంచలనం
వీడియో పోస్ట్ చేసిన వెంటనే ఇన్‌స్టా, ట్విట్టర్‌లలో అభిమానులు సరదాగా స్పందించడం ప్రారంభించారు. అభిమానులు వారి వీడియోపై మీమ్స్ చేయడం కూడా ప్రారంభించారు. ఈ వీడియోను ఇప్పటివరకు లక్షలాది మంది చూశారు. వేల సంఖ్యలో లైక్‌లు వచ్చాయి. అభిమానులు మీమ్స్‌ని సృష్టించి, వారి నటనను అసలు టీవీ నటీనటులతో పోల్చారు. చాలా మంది వారి పోస్ట్‌లపై వ్యాఖ్యానిస్తూ, "క్రికెట్ శకుని, దుర్యోధనుడు తిరిగి వచ్చారు" అని రాశారు.

శిఖర్ ధావన్ మరియు యుజ్వేంద్ర చాహల్ మైదానంలోనే కాదు, మైదానం బయట కూడా తమ సరదా శైలితో ఫ్యాన్స్‌ను ఎంటర్‌టైన్ చేస్తుంటారు. ఈ జోడి గతంలో కూడా ఇన్‌స్టాగ్రామ్ రీల్స్, సరదా డ్యాన్స్ వీడియోలు, యాక్టింగ్ క్లిప్‌ల ద్వారా అభిమానులను అలరించారు. అందుకే సోషల్ మీడియాలో శిఖర్ ధావన్,ఓఓiజ్వేంద్ర చాహల్‌కు లక్షల్లో ఫాలోయింగ్ ఉంది. అభిమానులు వారి జోడిని ఎంతగానో ఇష్టపడతారు.