Karva Chauth Special: అయేషా.. నిన్ను చూడకుండా ఉండలేకపోతున్నా: ధావన్

నిన్ను చూడకుండా ఉండలేకపోతున్నా:

ప్రస్తుతం సోషల్ మీడియాలో కర్వాచౌత్‌ వేడుకలకు సంబందించిన ఫొటోలు వైరల్ అయ్యాయి. పలువురు టీమిండియా క్రికెటర్లు తమ సతీమణులతో కలిసి గురువారం కర్వాచౌత్‌ వేడుకలు ఘనంగా జరుపుకొన్నారు. ఈ సందర్భంగా తమ సతీమణులతో కలిసి దిగిన ఫొటోలను తమ ట్విట్టర్, ఇన్‌స్టాగ్రామ్‌ ఖాతాలలో అభిమానులతో పంచుకున్నారు. ఈ క్రమంలో ధావన్‌ తన భార్య అయేషాకు శుభాకాంక్షలు తెలిపాడు. 'నువ్వు దూరంగా ఉన్నా.. నా మనసుకి దగ్గరగానే ఉంటావు. నిన్ను చూడకుండా ఉండలేకపోతున్నా' అంటూ రాసుకొచ్చాడు.

ఎవరైతే కలిసి ఉపవాసం ఉంటారో:

విరాట్‌ కోహ్లీ ట్విటర్‌లో అనుష్క శర్మతో కలిసి దిగిన ఫొటోను షేర్ చేశాడు. 'ఎవరైతే కలిసి ఉపవాసం ఉంటారో.. వారు కలిసి నవ్వుకుంటారు' అని కాప్షన్ పెట్టాడు. అనుష్క కూడా ఓ ఫొటో ఇన్‌స్టాలో పోస్టు చేసి.. కోహ్లీతో పాటు అభిమానులకు శుభాకాంక్షలు తెలిపింది. మాజీ ఓపెనర్‌ వీరేంద్ర సెహ్వాగ్‌ సైతం తన సతీమణితో కలిసి దిగిన ఫొటో పంచుకున్నాడు. 'ప్రేమ, గౌరవం అద్భుతం' అని రాసుకొచ్చాడు. భువనేశ్వర్‌ కుమార్‌, ఇషాంత్‌ శర్మ సైతం తమ సతీమణులతో దిగిన ఫొటోలను పోస్టు చేసి శుభాకాంక్షలు తెలిపారు.

లాస్ ఏంజెల్స్‌లో ప్రియాంక వేడుకలు:

కర్వాచౌత్‌ వేడుకలను హీరోయిన్లు ఘనంగా జరుపుకున్నారు. ఐశ్వర్యరాయ్, సోనాలి బింద్రే, రవీనా టాండన్, శిల్పా శెట్టి, పద్మిని కోల్హాపురే, భావన పాండేలు వేడుకలో పాల్గొన్నారు. ప్రియాంక చోప్రా కూడా కర్వాచౌత్‌ వేడుకని జరుపుకుంది. పెళ్లి తర్వాత వీరికి ఇది తొలి కకర్వాచౌత్‌ కాగా.. లాస్ ఏంజెల్స్‌లో జరిగిన జోనాస్ కాన్సర్ట్‌లో ఈ వేడుక జరుపుకుంది.

కర్వాచౌత్‌ అంటే:

కర్వాచౌత్‌ అంటే.. దీపావళికి ముందు వచ్చే చవితి నాడు దక్షిణానికి చెందిన మహిళలు కర్వాచౌత్‌ పండుగని ఘనంగా జరుపుకుంటారు. ఆ రోజు మహిళలు తన భర్త కోసం ఉపవాసం ఉండి .. సాయంత్రం వేళ పూజ నిర్వహిస్తారు. ఆ తర్వాత జల్లెడలో చంద్రుడుని చూసి అదే జల్లెడలో భర్త ముఖాన్ని చూసిన తర్వాత ఉపవాసం విడుస్తారు. ఇలా చేస్తే కోరిన కోరికలు నెరవేరుతాయని మహిళలు విశ్వసిస్తారు. కర్వాచౌత్ వేడుకలు ప్రతి ఏడాది ముంబైతో పాటు పలు ప్రాంతాలలో ఘనంగా జరుగుతున్నాయి.