లార్డ్స్: దక్షిణాఫ్రికా వెటరన్ లెగ్ స్పిన్నర్ ఇమ్రాన్ తాహిర్ అరుదైన బహుమతిని అందుకున్నారు. ఈ బహుమతిని అందజేసింది కూడా దక్షిణాఫ్రికా లెజెండరీ ఫాస్ట్ బౌలర్, ఆ జట్టు మాజీ కేప్టెన్ షాన్ పొలాక్. ఓ పురుగు లేడీబగ్ను ఇమ్రాన్ తాహిర్కు గిఫ్ట్గా అందజేశాడు షాన్ పొలాక్. ప్రపంచకప్లో భాగంగా.. ఇంగ్లండ్లోని లార్డ్స్ క్రికెట్ స్టేడియంలో ఈ ఘటన చోటు చేసుకుంది.
బౌలర్.. లేబర్లాంటోడు: బౌలింగ్ చేయాలని ఎవరూ కోరుకోరు
పురుగును బహుమతిగా ఇవ్వడం వెనుక ఓ చిన్న కథ ఉంది. ప్రపంచకప్లో టోర్నమెంట్లో భాగంగా లార్డ్స్ స్టేడియంలో పాకిస్తాన్తో జరిగిన మ్యాచ్లో ఇమ్రాన్ తాహిర్ రెండు కీలక వికెట్లను పడగొట్టాడు. ఓపెనర్లు ఫకర్ జమాన్, ఇమాముల్ హక్లను తన స్పిన్ మాయాజాలంతో పెవిలియన్కు పంపించాడు. ఈ రెండు వికెట్ల తీసుకోవడంతో మైలురాయిని అందుకున్నాడు.
ప్రపంచకప్ టోర్నమెంట్లో దక్షిణాఫ్రికా తరఫున అత్యధికంగా వికెట్లను పడగొట్టిన బౌలర్గా ఇమ్రాన్ తాహిర్ ఆవిర్భవించారు. ఇదివరకు ఈ రికార్డు ఆ దేశ ఫాస్ట్ బౌలర్ అలెన్ డొనాల్డ్ పేరు మీద ఉండేది. దీన్ని తాహిర్ బద్దలు కొట్టాడు. ఈ సందర్భంగా పాకిస్తాన్ ఇన్నింగ్ ముగిసిన తరువాత.. షాన్ పొలాక్ గ్రౌండ్పైకి వచ్చారు. ఇమ్రాన్ తాహిర్ను ప్రశంసించాడు.
Imran Tahir is now South Africa's leading World Cup wicket-taker 🔝
— ICC (@ICC) June 23, 2019
His two wickets so far today have taken him to 39 across editions, one more than Allan Donald's 38 💪
A true Proteas legend!#CWC19 | #ProteaFire pic.twitter.com/XbBhBFTRYX
అనంతరం గ్రౌండ్లో పచ్చికపై కనిపించిన లేడీ బగ్ పురుగును తీసుకుని.. తాహిర్ భుజాలపై పెట్టాడు. లేడీ బగ్ను అదృష్టానికి ప్రతీకగా భావిస్తారు దక్షిణాఫ్రికన్లు. అందుకే- షాన్ పొలాక్ దాన్ని బహుమతిగా తాహిర్కు అందజేశాడని అంటున్నారు. భవిష్యత్తులో ఆడబోయే మ్యాచ్లల్లో తాహిర్కు అదృష్టం కలిసి రావాలని కోరుకుంటున్నానని షాన్ పొలాక్ ఈ సందర్భంగా వ్యాఖ్యానించారు.
Shaun Pollock putting a ladybug on Imran Tahir's shoulder "for luck" might just be the cutest thing you'll see today 🐞 😍 #CWC19 | #ProteaFire pic.twitter.com/yO36qXX2Gd
— Cricket World Cup (@cricketworldcup) June 23, 2019