మరో టైటిల్‌పై కన్నేసిన కోల్‌కతా: కోచింగ్ బృందంలో ఆసీస్ దిగ్గజం!

IPL 2026: కోల్‌కతా నైట్ రైడర్స్ ఇండియన్ ప్రీమియర్ లీగ్ 2026 సీజన్‌కు ముందు తమ కోచింగ్ బృందంలో ఓ కీలక మార్పు చేసింది. ఆస్ట్రేలియా మాజీ ఆల్‌రౌండర్ షేన్ వాట్సన్‌ను జట్టుకు అసిస్టెంట్ కోచ్‌గా నియమించినట్లు గురువారం (నవంబర్ 13) ప్రకటించింది. కోల్‌కతా నైట్ రైడర్స్ జట్టు ఈ నియామకం గురించి అధికారిక ప్రకటన విడుదల చేసింది. షేన్ వాట్సన్ ఇటీవల ప్రధాన కోచ్‌గా నియమితులైన భారత మాజీ అసిస్టెంట్ కోచ్ అభిషేక్ నాయర్‌తో కలిసి పని చేస్తారు.

44 ఏళ్ల షేన్ వాట్సన్ ఆస్ట్రేలియా తరఫున 59 టెస్టులు, 190 వన్డేలు, 58 టీ20 ఇంటర్నేషనల్ మ్యాచ్‌లలో ప్రాతినిధ్యం వహించారు. ఈ క్రమంలో 10,000 కంటే ఎక్కువ అంతర్జాతీయ పరుగులు చేసి అన్ని ఫార్మాట్లలో 280 కంటే ఎక్కువ వికెట్లు పడగొట్టారు. షేన్ వాట్సన్ గతంలో ఐపీఎల్‌లో ఢిల్లీ క్యాపిటల్స్‌తో కూడా కోచ్‌గా అనుబంధం కలిగి ఉన్నారు.

కేకేఆర్ టైటిల్ గెలుపుపై కన్నేసిన వాట్సన్
తన నియామకంపై షేన్ వాట్సన్ ఓ పత్రికా ప్రకటనలో సంతోషం వ్యక్తం చేశారు. "కోల్‌కతాకు మరో టైటిల్ తీసుకురావడానికి కోచింగ్ బృందం, ఆటగాళ్లతో కలిసి పని చేయడానికి నేను ఆసక్తిగా ఉన్నాను" అని షేన్ వాట్సన్ పేర్కొన్నారు. షేన్ వాట్సన్ ఆస్ట్రేలియా 2007, 2015 ప్రపంచ కప్‌ల విజేత జట్లలో షేన్ వాట్సన్ కీలక సభ్యుడిగా ఉన్నారు. ఆటగాడిగా ఆయన ఐపీఎల్‌తో 2008 నుంచి 2020 వరకు సుదీర్ఘ అనుబంధం కలిగి ఉన్నారు. షేన్ వాట్సన్ 145 ఐపీఎల్ మ్యాచ్‌లు ఆడి 4 సెంచరీలు నమోదు చేశారు.

షేన్ వాట్సన్ గతంలో రాజస్థాన్, చెన్నై ఛాంపియన్ జట్ల తరఫున కూడా ఆడారు. 2008లో రాజస్థాన్ రాయల్స్ జట్టుకు తొలి ఐపీఎల్ టైటిల్‌ను అందించడంలో ఆయన కీలక పాత్ర పోషించారు. ఆ సీజన్‌లో, అలాగే 2013లో కూడా మోస్ట్ వాల్యూవబల్ ప్లేయర్ (Most Valuable Player) అవార్డును గెలుచుకున్నారు.