Shane Watson: టీ20 ప్రపంచకప్‌లో ఇండియాకు బిగ్గెస్ట్ లాస్ కన్ఫామ్..! అదొక్కటే మార్గం

బుమ్రాకు సరితూగగల బౌలర్ ప్రపంచంలోనే లేడు

ఇకపోతే టీ20 వరల్డ్ కప్ టోర్నమెంట్‌‌కు బుమ్రా అందుబాటులో ఉండే విషయమై తీవ్ర సందేహం నెలకొంది. ఈ నేపథ్యంలో ఎన్డీటీవీతో మాట్లాడిన వాట్సన్.. పేస్ గుర్రం ప్రపంచ‌కప్‌కు అందుబాటులో లేకుంటే టీమిండియాకు తీరని నష్టం కలగడం కన్ఫామ్ అన్నాడు. అతను అటాకింగ్, అలాగే నిఖార్సైన డిఫెన్సివ్ బౌలర్‌ అని పేర్కొన్నాడు.

అందువల్ల అతను మిస్సయితే టీమిండియా టోర్నమెంట్ గెలవడం కష్టమే. ఈ ప్రపంచంలో బుమ్రాకు సరితూగగల ప్రత్యామ్నాయ బౌలర్ ప్రస్తుతం ఎవరూ లేరని.. అతనో యూనిక్ క్వాలిటీ బౌలర్ అని పేర్కొన్నాడు. భారత్ ప్రపంచకప్‌లో ముందుకు సాగాలంటే.. మిగతా పేసర్లు తమ బెస్ట్ అండ్ బెస్ట్ ఇవ్వడానికి మ్యాక్సిమమ్ ప్రయత్నం చేయాల్సిందేనని వేరే మార్గమే లేదని తెలిపాడు.

సౌతాఫ్రికా సిరీస్‌కు మాత్రమే..

ఆదివారం సౌతాఫ్రికాతో రెండో టీ20 మ్యాచ్‌ జరగనున్న నేపథ్యంలో శనివారం భారత ప్రధాన కోచ్ ద్రావిడ్ మీడియాతో మాట్లాడుతూ.. బుమ్రా గురించి పలు ఆసక్తికర విషయాలు చెప్పాడు. ఇప్పటి వరకు తమకు అందిన అధికారిక ప్రకటన ప్రకారం.. బుమ్రా సౌతాఫ్రికాతో టీ20 సిరీస్‌కు మాత్రమే దూరమయ్యాడని చెప్పాడు. నేషనల్ క్రికెట్ అకాడమీలో బుమ్రా రిహబిలిటేషన్ సాగుతుందని, అక్కడ వైద్య బృందం పరిశీలించి పరిస్థితి ఏంటనేది వెల్లడిస్తుందని, ఏం జరుగుతుందో చూద్దామని ద్రావిడ్ అన్నాడు.

ఆ రోజు ఫైనల్ డిసిషన్

ఓ బీసీసీఐ అధికారి బుమ్రా గురించి కాస్త ముఖ్యమైన విషయాలు చెప్పాడు. జట్టుతోనే బుమ్రా ఆస్ట్రేలియాకు వెళ్తాడని, అక్టోబర్ 15న అతని గాయంపై తుది నిర్ణయం తీసుకుంటామని తెలిపాడు. 'బుమ్రాకు విశ్రాంతి అవసరం. అతని బ్యాక్ ఇంజ్యూరీకి రెస్ట్ ఇవ్వడం సరైన పని. ప్రస్తుతం అతను ఎన్‌సీఏ వైద్యుల పర్యవేక్షణలో ఉన్నాడు. ఫిజియో నితిన్ పటేల్ అతని గాయాన్ని దగ్గరుండి పర్యవేక్షిస్తున్నాడు. ఆస్ట్రేలియాలో కూడా బుమ్రా గాయం రికవరీ ప్రాసెస్ కొనసాగనుంది. అక్టోబర్ 15 వరకు వేచి చూసి ఆ రోజే తుది నిర్ణయం తీసుకుంటాం' అని సదరు బీసీసీఐ అధికారి తెలిపాడు.