హర్లీతో డేటింగ్, నన్ను జేమ్స్‌బాండ్‌ని చేసింది: వార్న్

లండన్: ఇటీవల న్యూయార్క్‌లో షేన్‌వార్న్ కొత్త గెటప్‌తో దర్శనమిచ్చాడట. 41 ఏళ్ల వార్న్ బ్లూ టీ షర్ట్ , నల్ల కళ్లజోడు ధరించి జేమ్స్ బాండ్‌ను తలపించాడట. ఈ స్పిన్ దిగ్గజం వికెట్లను పడగొట్టటంలోనే కాదు.. ప్రియురాళ్లను పడగొట్టటంలోనూ దిట్టే.

వార్న్ చక్కటి శరీరాకృతితో స్లిమ్‌గా తయారవటానికి కారణం తన గర్ల్ ఫ్రెండ్ ఎలిజబెత్ హర్లీనేనంట..! తాను క్రికెట్ ఆడే రోజుల్లో దేహదారుఢ్యం గురించి ఆందోళణ చెందేవాడిని కాదని వార్న్ అన్నాడు. హర్లీతో పరిచయం ఆ తర్వాత డేటింగ్ మొదలయ్యాక తనలో చాలా మర్పు వచ్చందని చెప్పాడు. అందుకు ఆమెకు కృతజ్ఞతలు కూడా తెలుపుతున్నట్లు షేన్‌వార్న్ పేర్కొన్నాడు. న్యూయార్క్‌లో జరిగిన ఓ కార్యక్రమంలో వార్న్‌ను చూసినవారంతా షాక్ తిన్నారు. బిగుతైన నీలం రంగు టీషర్ట్, కళ్లద్దాలు, హెయిర్‌డైతో ఉన్న ఈ 41 ఏళ్ల ఆస్ట్రేలియన్‌ను దాదాపుగా అక్కడున్నవారు గుర్తించలేకపోయారు. వార్న్, హర్లే జంట త్వరలోనే పెళ్లి చేసుకోబోతున్నారని డెయిలీ టెలిగ్రాఫ్ పత్రిక పేర్కొంది.