టీ20లో షెఫాలీవర్మ అర్ధ శతకం.. సచిన్ 30 ఏళ్ల రికార్డు బద్దలు!!

Shafali Verma becomes the youngest Indian to score international fifty, surpasses Sachin Tendulkar’s 30 year old record

సెయింట్‌ లూసియా: వెస్టిండీస్‌ మహిళలతో జరిగిన మూడు వన్డేల సిరీస్‌ను అద్భుత ఆటతో సొంతం చేసుకున్న భారత మహిళలు.. అదే జోరును టీ20ల్లో కూడా కొనసాగిస్తున్నారు. ఐదు టీ20ల సిరీస్‌లో భాగంగా విండీస్‌తో ఆదివారం జరిగిన తొలి టీ20లో భారత్ 84 పరుగుల తేడాతో భారీ విజయాన్ని అందుకుంది. ఓపెనర్లు షెఫాలీవర్మ (73; 49 బంతుల్లో 6 ఫోర్లు, 4 సిక్సర్లు), స్మృతీ మంధాన (67; 46 బంతుల్లో 11 ఫోర్లు) అర్ధ సెంచరీలతో జట్టు విజయంలో కీలక పాత్ర పోషించారు.

సెర్బియా నటితో హార్దిక్‌ పాండ్యా డిన్నర్.. పెళ్లి చేసుకోబోతున్నాడా?!!

టీ20లో తొలి అర్ధ శతకం:

టీ20లో తొలి అర్ధ శతకం:

యువ సంచలనం షెఫాలీవర్మ టీ20లో తొలి అర్ధ శతకం చేసింది. దీంతో భారత్‌ తరఫున అంతర్జాతీయ టీ20లలో అర్ధ శతకం చేసిన అతిపిన్న వయస్కురాలిగా రికార్డుల్లో ఎక్కింది. ఇక ప్రపంచ క్రికెట్‌లో ఈ రికార్డు సాధించిన రెండో బ్యాట్స్‌వుమన్‌గా నిలిచింది. షెఫాలీ కన్నా ముందు యూఏఈకి చెందిన ఎగొడాగ్‌ 15 ఏళ్ల 267 రోజుల్లో తొలి టీ20 అర్ధ శతకం బాదింది. షెఫాలి 15 ఏళ్ల 285 రోజుల్లో తొలి టీ20 అర్ధ శతకం చేసింది.

సచిన్ 30 ఏళ్ల రికార్డు బద్దలు:

సచిన్ 30 ఏళ్ల రికార్డు బద్దలు:

షెఫాలి వర్మ 15 ఏళ్ల 285 రోజుల్లో తొలి టీ20 అర్ధ శతకం చేసి.. టీమిండియా బ్యాటింగ్ లెజెండ్ సచిన్ టెండూల్కర్ 30 సంవత్సరాల రికార్డు బద్దలు కొట్టింది. సచిన్ తన తొలి టెస్ట్ అర్ధ శతకంను 16 సంవత్సరాల 214 రోజులలో సాధించాడు. దీంతో సచిన్ కంటే తక్కువ వయసులోనే షెఫాలి అర్ధ శతకం బాది రికార్డుల్లో ఎక్కింది.

మంధాన, షెఫాలీ మెరుపులు:

మంధాన, షెఫాలీ మెరుపులు:

ఈ మ్యాచ్‌లో తొలుత బ్యాటింగ్‌ చేసిన భారత మహిళలు నిర్ణీత 20 ఓవర్లలో నాలుగు వికెట్ల నష్టానికి 185 పరుగుల భారీ స్కోర్‌ చేసింది. ఓపెనర్లు స్మృతీ మంధాన, షెఫాలీ వర్మలు తొలి వికెట్‌కు 143 పరుగులు సాధించారు. భారత్‌ తరఫున ఇది టీ20ల్లో తొలి వికెట్‌కు రికార్డు భాగస్వామ్యం. ఇన్నింగ్స్ చివర్లో హర్మన్‌ప్రీత్‌ (21 నాటౌట్‌; 13 బంతుల్లో 3 ఫోర్లు), వేదా కృష్ణమూర్తి (15 నాటౌట్‌; 7 బంతుల్లో 2 ఫోర్లు) బ్యాట్ జులిపించడంతో భారత్‌ భారీ స్కోర్ చేసింది.

భారత బౌలర్ల విజృంభణ:

భారత బౌలర్ల విజృంభణ:

186 పరుగుల లక్ష్యంతో బ్యాటింగ్‌కు దిగిన వెస్టిండీస్‌ మహిళలు నిర్ణీత 20 ఓవర్లలో 9 వికెట్ల నష్టానికి 101 పరుగులే చేశారు. వికెట్‌ కీపర్‌ షీమైన్‌ క్యాంపబెల్‌ (33) మినహా ఎవరూ పరుగులు చేయలేదు. భారత బౌలర్లలో శిఖా పాండే, రాధా యాదవ్‌, పూనమ్‌ యాదవ్‌లు తలో రెండు వికెట్లు సాధించగా.. దీప్తి శర్మ, పూజా వస్త్రాకర్‌లకు చెరో వికెట్‌ లభించింది. ఐదు టీ20ల సిరీస్‌ను భారత్‌ 1-0తో శుభారంభం చేసింది.

For Quick Alerts
ALLOW NOTIFICATIONS
For Daily Alerts
Story first published: Sunday, November 10, 2019, 15:05 [IST]
Other articles published on Nov 10, 2019
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more