షోయబ్ నాతో సెక్స్ చేశాడు: అయేషా

హైదరాబాద్: పాకిస్తాన్ క్రికెటర్ షోయబ్ మాలిక్ తనతో సెక్స్ లో పాల్గొన్నాడని అయేషా సిద్దిఖి అంటోంది. ఈ విషయాన్ని ఒక ప్రైవేట్ తెలుగు టీవీ చానెల్ తెలిపింది. సెక్స్ లో పాల్గొన్నప్పుడు తాను ధరించిన దుస్తులు తన వద్ద ఉన్నాయని, వాటిని నగర నేర విభాగం (సిసిఎస్) పోలీసులకు అప్పగించానని ఆమె అంటోంది. తాను, షోయబ్ తాజ్ కృష్ణాలో బస చేసినట్లు ఆమె తెలిపింది. తాను షోయబ్ ద్వారా గర్భం దాల్చానని, హైదరాబాదులో అబార్షన్ చేయించుకున్నానని ఆమె చెప్పింది. తమ మధ్య శారీరక సంబంధం లేదని షోయబ్ మాలిక్ ఇంతకు ముందు చెప్పిన విషయం తెలిసిందే.

అయేషా అందించిన దుస్తులను సిసిఎస్ పోలీసులు ఫొరెన్సిక్ ల్యాబరేటరీకి పంపించినట్లు తెలుస్తోంది. ఆ దుస్తులపై వీర్యకణాలు ఉన్నట్లు తేలితే పరీక్ష నిమిత్తం షోయబ్ రక్తం నమూనాలను తీసుకుంటారని సమాచారం. అయితే అయేషా తన మాటలను బయటకు వచ్చి చెప్పేందుకు నిరాకరిస్తోంది. అయేషాకు మద్దతుగా మహిళా సంఘాలు ముందుకు వస్తున్నాయి. అయితే ఆమె బయటకు రావాలని ఆ సంఘాలు అడుగుతున్నాయి.